Śviatłana Maryna. Fota: Baza

Śviatłana Maryna. Fota: Baza

Na žycharku Kirava raspačali kryminalnuju spravu za vykazvańni pra Uładlena Tatarskaha, paviedamlaje Baza.

U žniŭni 2023 hoda 56-hadovaja Śviatłana Maryna apublikavała ŭ adnym ź miascovych pablikaŭ 43-siekundnaje videa, u jakim nie vielmi pryjemna vykazałasia pra zahinułaha karespandenta.

Jana nazvała jaho «złačyncam, zabojcam i rabaŭnikom» i aburyłasia tym, što jaho fatahrafiju vystavili la Viečnaha ahniu. Tych, chto pastaviŭ tam jahonaje fota, jana nazvała «prydurkami».

Praz paru miesiacaŭ hetaje videa trapiła na vočy śledčym, i jany rascanili słovy ab Tatarskim jak dyskredytacyju Uzbrojenych sił Rasii. A pakolki ŭ Marynaj užo było dźvie administracyjki pa hetym artykule, 7 listapada na jaje była zaviedziena sprava pa artykule 280.3 KK RF (publičnyja dziejańni, nakiravanyja na dyskredytacyju vykarystańnia US). Žančynie moža pahražać da piaci hadoŭ źniavoleńnia.

Uładlen Tatarski zahinuŭ 2 krasavika 2023 hoda ŭ Sankt-Pieciarburhu. U kaviarni, jakaja naležała Jaŭhienu Pryhožynu, ładzili ź im sustreču. Tatarski — były rabaŭnik, jaki staŭ prapahandystam. Jamu pieradali statuetku, u jakoj była vybuchoŭka. Pa spravie aryštavali Darju Trepavu, jakaja i pieradała statuetku.

Nahadajem, što pa «spravie Zielcera-Fiedasiuka» ŭ Biełarusi byli aryštavanyja bolš za 130 čałaviek za kamientary ŭ padtrymku ajcišnika Andreja Zielcera, kali padčas pierastrełki ŭ jaho kvatery byŭ zabity supracoŭnik KDB Dźmitryj Fiedasiuk. Sudam było zahadana rasceńvać kamientary jak raspalvańnie sacyjalnaj varožaści. Ludziam davali ad hoda da dvuch kałonii, a žurnalist «Kamsamolskaj praŭdy» Hienadź Mažejka byŭ asudžany na try hady kałonii za artykuł pra Zielcera, dzie jaho znajomaja stanoŭča adhukałasia pra ajcišnika ŭ dziacinstvie.

Čytajcie taksama:

«Aktyvatar strymlivaŭsia mahnitam». Źjavilisia padrabiaznaści, jak dziejničała vybuchovaja pryłada, jakoj padarvali Tatarskaha

FSB nazvała druhoha padazravanaha ŭ arhanizacyi zabojstva rasijskaha prapahandysta Tatarskaha

Na pachavańnie prapahandysta Tatarskaha «vahnieraŭcy» prynieśli kuvałdu

Клас
0
Панылы сорам
0
Ха-ха
0
Ого
0
Сумна
0
Абуральна
6