Piensijanierka pryznałasia, što z-za ciažkaha materyjalnaha stanovišča i surjoznych prablem sa zdaroŭjem nie moža dazvolić sabie lišnija vydatki, kožnaja kapiejka ličycca, piša Blizko.by.

«Kali admovicie — nie pakryŭdžusia, bo razumieju, što bolšaści ludziej žyć ciažka», — napisała adzinokaja žančyna.

Na «Kamunarcy» adreahavali na takuju emacyjnuju historyju.

«My nie mahli prajści mima takoj kranalnaj prośby», — kaža namieśnica hiendyrektara pa ideałohii i kiravańni piersanałam Natalla Miadźviedzickava.

I napiaredadni 7 listapada pradstaŭniki «Kamunarki» pryjechali da piensijanierki z pakietami, u jakich byli nie tolki prysmaki, a nabor nieabchodnych praduktaŭ.

«Ludmiła Siarhiejeŭna była trochi razhublenaja, i navat ledź zapłakała ad takoj uvahi kiraŭnictva i členaŭ kalektyvu «Kamunarki», — raspaviali na pradpryjemstvie.

Клас
5
Панылы сорам
0
Ха-ха
3
Ого
1
Сумна
5
Абуральна
2