Archiŭnaje fota. Uładzimir Pucin, 18 kastryčnika 2023 hoda. Fota: Contributor / Getty Images

Archiŭnaje fota. Uładzimir Pucin, 18 kastryčnika 2023 hoda. Fota: Contributor / Getty Images

3 listapada Uładzimir Pucin sustreŭsia z členami Hramadskaj pałaty Rasii — kišennaha orhana, jaki musić reprezientavać hramadskaść. Koratka pierakazvajem, pra što jon kazaŭ. Cytaty skaročanyja, ale dakładna pieradajuć sens pramoŭlenaha.

Rasija pieratvarajecca ź bienzakałonki ŭ samadastatkovuju krainu ź pierapracoŭčaj vytvorčaściu, ciapier jana składaje 43% u struktury ekanomiki.

Alaksandr Nieŭski jeździŭ u Ardu, kłaniaŭsia ardynskim chanam, kab efiektyŭna supraćstajać našeściu Zachadu. Tamu što ardyncy pavodzili siabie nachabna, ale jany nie čapali našaj movy, tradycyi, kultury, na što pretendavali zachodnija zavajoŭniki. Mienavita za hety vybar my šanujem Nieŭskaha jak śviatoha.

U składzie Rasijskaj impieryi nijakaj Ukrainy nie było. U pieryjad SSSR Ukrainu sfarmavali ŭ značnaj stupieni za košt rasijskich ziamiel, ale ŭrešcie tam abviaścili, što rasijski narod nie źjaŭlajecca karennym. Heta poŭnaja anarchija.

Kali b u nas narmalna składvalisia adnosiny z bratniaj Ukrainaj, nikomu b u hałavu nie pryjšło ažyćciaŭlać dziejańni, źviazanyja z Krymam. Ale treba było ludziej abaraniać ad hetaj mrazi nacysckaj. Toje ž samaje potym i z Danbasam pajšło, i z Navarosijaj.

Nam treba zrabić usio, kab uvachodžańnie hetych terytoryj u RF było płaŭnym, naturalnym, i ludzi jak maha chutčej adčuli vynik. Novyja rehijony dla nas nie novyja, jany našy histaryčnyja terytoryi. U Rasii nie było inšaha vybaru, akramia jak pačać śpiecapieracyju. Da momantu pačatku SVA na Rasiju ŭžo napali, pryjšłosia rasčachlić aŭtamat u adkaz.

Клас
3
Панылы сорам
35
Ха-ха
18
Ого
0
Сумна
1
Абуральна
57