«Z hłybokim smutkam my paviedamlajem pra śmierć Łorensa Fosieta, 58-hadovaha pacyjenta ź nievylečnaj chvarobaj serca, jakomu była praviedziena druhaja ŭ śviecie transpłantacyja serca hienietyčna madyfikavanaj śvińni. Fosiet pieranios apieracyju 20 vieraśnia i zmoh pražyć amal šeść tydniaŭ», — havorycca ŭ niekrałohu.

Pacyjent z terminalnaj stadyjaj sardečnaj niedastatkovaści pastupiŭ u miedycynski centr 14 vieraśnia. Fosiet byŭ pryznany nieprydatnym dla atrymańnia čałaviečaha donarskaha serca ŭ siłu raniej pieraniesienaha im sardečna-sudzinnaha zachvorvańnia i ŭskładnieńniaŭ z unutranym kryvaciokam. 15 vieraśnia ŭpraŭleńnie pa kantroli jakaści charčovych praduktaŭ i lekavych srodkaŭ ZŠA vydała ekstranny dazvoł na apieracyju, kab dapamahčy padoŭžyć žyćcio pacyjenta.

Ciaham pieršaha miesiaca paśla apieracyi pierasadžanaje serca pracavała vielmi dobra. Pacyjent prachodziŭ kurs fizijaterapii i sprabavaŭ znoŭ navučycca chadzić. Adnak miedyki ŭstanavili, što ŭ apošnija dni ŭ jaho pačali prajaŭlacca prykmiety adrynańnia pierasadžanaha serca, što ŭrešcie i pryviało da śmierci.

Papiaredniaja takaja apieracyja była zroblena ŭ tym ža miedycynskim centry ŭ 2022 hodzie. Tahačasny pacyjent, 57-hadovy Devid Bieniet, pamior praz dva miesiacy. 

Čytajcie taksama:

U dziaciej, jakija zadoŭha siadziać pierad televizaram ci ŭ telefonie, bolšaja ryzyka źjaŭleńnia sardečnych chvarob

Ludzi, jakija chutka chodziać, žyvuć daŭžej — daśledavańnie

Ci karysnyja dla serca mocnaja kava i harbata

Клас
1
Панылы сорам
3
Ха-ха
0
Ого
0
Сумна
27
Абуральна
0