Fota: logoisk.by

Fota: logoisk.by

Tarhi pa prodažy harnałyžnaha spartyŭna-azdaraŭlenčaha kompleksu «Łahojsk», jaki naležyć kampanii «Trajpł», nie adbylisia 1 listapada. Pra heta Office Life raspaviali ŭ ZAT «Biełrealizacyja».

Kompleksam cikaviacca čatyry inviestary, jany ahledzieli abjekt. Adnak usie jany «ŭziali paŭzu» ŭ čakańni źnižeńnia cany, jakaja pakul zajaŭlena na ŭzroŭni 23,998 młn rubloŭ ($7,3 młn).

Rašeńnie ab dacie paŭtornych tarhoŭ i źnižeńni cany prymuć kredytory na nastupnym tydni.

Harnałyžny kompleks byŭ adkryty ŭ studzieni 2004 hoda. Jon uklučaje ŭ siabie piać tras dla spusku na łyžach i snoŭbordach. Ich ahulnaja praciahłaść — kala 3,7 tys. mietraŭ. Na terytoryi jość haściavyja damki, altanki, restaran, łaźni, skaładrom, placoŭki dla zaniatkaŭ roznymi vidami sportu. Praduhledžana parkoŭka na tysiaču aŭtamabilaŭ.

Kampanija «Trajpł» znachodzicca ŭ bankructvie i aktyŭna raspradaje majomaść.

Клас
0
Панылы сорам
2
Ха-ха
4
Ого
2
Сумна
0
Абуральна
0