Fota: «Naša Niva»

Fota: «Naša Niva»

Kvitok na humanitarny rejs «Biełavija» ź Izraila ŭ Biełaruś kaštuje 550 dalaraŭ. Pra heta Reform.by raspaviali ŭ pradstaŭnictvie avijakampanii ŭ Tel-Avivie.

Rejs vylecić z Tel-Aviva ŭ Minsk 6 listapada kala 11 hadzin, kožny pasažyr zmoža zdać adzin pradmiet bahažu i ŭziać na bort adzin pradmiet ručnoj pakłažy, udakładnili ŭ pradstaŭnictvie.

Dla paraŭnańnia: kvitki na kamiercyjnyja rejsy da Varšavy ci Maskvy možna kupić istotna tańniej. Ceny na kvitki da Varšavy na 6 listapada pačynajucca ad 294 dalaraŭ, da Maskvy — ad 400 dalaraŭ biez bahažu.

Biełarusy, u jakich termin dziejańnia pašparta skončyŭsia, humanitarnym rejsam skarystacca nie zmohuć.

Raniej paviedamlałasia, što rejs vykanaje «Biełavija» 6 listapada (reziervovaja data — 9 listapada). Humanitarny rejs budzie vykonvacca na kamiercyjnaj asnovie i pryznačany tolki dla hramadzian Biełarusi. Zarehistravacca na jaho možna tolki pa sapraŭdnych biełaruskich prajaznych dakumientach.

Pradstaŭnictva avijakampanii ŭ Tel-Avivie aktualizuje źviestki pra biełarusaŭ, jakija žadajuć zarehistravacca na rejs. Vykanańnie rejsa, jaho dakładnaja data i čas buduć paćvierdžany dadatkova pry indyvidualnym kantakcie.

Achvotnyja skarystacca rejsam mohuć źviarnucca ŭ pradstaŭnictva «Biełavija» ŭ Tel-Avivie. Kantakty: +972 3 529 29 94/95, [email protected], vuł. Fryšman, 8.

Čytajcie taksama:

Nietańjachu abviaściŭ pra pačatak treciaha etapu vajny z CHAMAS

Biełaruś arhanizoŭvaje evakuacyjny rejs dla svaich hramadzian ź Izraila 

Prezident Izraila paćvierdziŭ hibiel 22-hadovaj Šani Łuk i raskazaŭ niekatoryja padrabiaznaści

Клас
2
Панылы сорам
24
Ха-ха
4
Ого
2
Сумна
4
Абуральна
4