Fota: Kraj.by

Fota: Kraj.by

Žychary Čyści, Krasnaha i vakolnych viosak Maładziečanskaha rajona, a taksama miascovyja dačniki prosiać staršyniu Savieta Respubliki Natallu Kačanavu dapamahčy praduchilić budaŭnictva sažałki-nazapašvalnika asadku haspadarča-fiekalnych ściokavych vod pobač ź ich damami i harodami, piša Kraj.by.

Schovišča fiekalnych adkidaŭ chočuć raźmiaścić kala vioski Ivoncavičy za 16 kiłamietraŭ ad Maładziečna. Fota: Google.maps 

Schovišča fiekalnych adkidaŭ chočuć raźmiaścić kala vioski Ivoncavičy za 16 kiłamietraŭ ad Maładziečna. Fota: Google.maps 

Ludzi vyrašyli samastojna prajavić inicyjatyvu i źviarnucca ŭ adnu z samych vysokich instancyj krainy paśla taho, jak stała viadoma ab praviedzienym tendary na składańnie prajektna-kaštarysnaj dakumientacyi pa budaŭnictvie sažałki-nazapašvalnika, jaki vyjhrała minskaja prajektnaja arhanizacyja TAA «Pasatprajekt».

Fota: Kraj.by

Fota: Kraj.by

Arhanizavaŭ zbor podpisaŭ žychar Krasnaha Andrej.

«Podpisy źbirali čatyry dni — z paniadziełka, 23 kastryčnika, da čaćviarha, 26 kastryčnika, uklučna. Mnie navat ciažka skazać, kolki čałaviek chadzili pa vioskach i dačnych učastkach na praciahu hetych dzion. Dziasiatki dva — nie mienš. Da mianie prosta prychodzili žychary Łasioŭ, Ivoncavičaŭ, Vidzieŭščyny. Kažuć: «Dajcie nam padpisnyja listy». Paśla hetaha jany adpraŭlalisia pa svaich vioskach. Mnie raspaviadali, što ludzi padpisvalisia vielmi achvotna, z entuzijazmam i navat z radaściu», — raskazaŭ Andrej.

— My chočam, kab hetaja naša akcyja była maksimalna adkrytaj i prazrystaj. Ničoha ni ad koha nie chavajem. Ludzi vydatna viedajuć, chto takaja Natalla Ivanaŭna Kačanava, i ŭ jakoj składanaj, vielmi važnaj dla nas prablemie my prosim jaje razabracca, akazać nam dapamohu, — adznačyŭ Andrej.

Fota: Kraj.by

Fota: Kraj.by

Kalektyŭny zvarot da Natalli Kačanavaj składzieny na čatyroch staronkach. U im vykładziena sutnaść usioj baraćby žycharoŭ Maładziečanskaha rajona za čystaje pavietra, hlebu i vadu, jakaja pačałasia ŭ sakaviku 2023 hoda, kali stała viadoma ab mierkavanym budaŭnictvie sažałki-nazapašvalnika.

Pa słovach Andreja, zvarot padpisała kala 1 680 čałaviek.

Fota: Kraj.by

Fota: Kraj.by

— My vyrašyli, što takoj kolkaści podpisaŭ budzie dastatkova dla taho, kab Natalla Ivanaŭna źviarnuła ŭvahu na našu biadu. Nie čamadan ža podpisaŭ vieźci ŭ Minsk, choć ja dumaju, što my i stolki zmahli b sabrać. U piatnicu, 27 kastryčnika, my źjeździli ŭ stalicu i adpravili zvarot u Saviet Respubliki zakaznym listom. Siońnia, u aŭtorak, 31 kastryčnika, ja atrymaŭ paviedamleńnie ab tym, što naša karespandencyja dastaŭlenaja adrasatu, — skazaŭ Andrej.

Fota: Kraj.by

Fota: Kraj.by

Čytajcie taksama:

«Nas pałochaje hetaja zahadkavaja cišynia». Ludzi pad Maładziečnam rana radavalisia, što adbilisia ad schovišča fiekalnych adkidaŭ pad bokam. Mahčyma, ułady prosta ŭziali paŭzu

Pad Maładziečnam nie budzie schovišča fiekalnych adkidaŭ. Zdajecca, ludzi adstajali svajo

«Nam zastaniecca tolki pradać dom i zjechać adsiul». Adkidy staličnaj kanalizacyi sabralisia vazić pad Maładziečna. Miascovyja suprać

Клас
1
Панылы сорам
6
Ха-ха
13
Ого
2
Сумна
10
Абуральна
4