Kijeŭski nacyjanalny ŭniviersitet imia Tarasa Šaŭčenki. Ilustracyjnaje fota: knu.ua

Kijeŭski nacyjanalny ŭniviersitet imia Tarasa Šaŭčenki. Ilustracyjnaje fota: knu.ua

«Nasupierak tamu, što skazaŭ rektar…»

Pra zakryćcio biełaruskich prahram zajaviŭ 24 kastryčnika ŭ intervju ahienctvu «Ukrainskija naviny» rektar univiersiteta Uładzimir Buhroŭ.

Pavodle jaho, biełarusistyku ŭ VNU pierastali vyvučać jašče ŭ 2022 hodzie. Zakryćcio biełaruskich prahram jon zhadaŭ u adnym šerahu sa spynieńniem navučańnia ruskaj movie i farsi.

«Sapraŭdy, u našym instytucie fiłałohii vyvučali ruskuju movu i litaraturu, biełaruskuju movu i litaraturu, farsi (piersidskuju). Letaś my zakryli hetyja prahramy. Ale heta emacyjny krok. Ja absalutna pierakanany, što ŭ škole vyvučać ruskuju movu i litaraturu nie treba», — davodziŭ rektar Kijeŭskaha ŭniviersiteta.

Pryčyn zakryćcia biełaruskich prahram jon nie nazvaŭ. Pahutaryć ź im niepasredna nie ŭdałosia. A voś u instytucie fiłałohii jaho zajavu źniapraŭdzili.

Frahmient adkazu dyrektara Navučalna-navukovaha instytuta Kijeŭskaha nacyjanalnaha ŭniviersiteta imia Tarasa Šaŭčenki prafiesara Ryhora Siemieniuka «Našaj Nivie»

Frahmient adkazu dyrektara Navučalna-navukovaha instytuta Kijeŭskaha nacyjanalnaha ŭniviersiteta imia Tarasa Šaŭčenki prafiesara Ryhora Siemieniuka «Našaj Nivie»

Pavodle dyrektara instytuta Ryhora Siemieniuka, u 2022 hodzie nabor na biełarusistyku nie abviaščaŭsia, bo «z-za spryjańnia ŭłady Biełarusi złačynnaj ahresii rasii (takoje napisańnie ŭ aryhinalnym tekście. — NN) suprać Ukrainy» prahnazavałasia, što da jaje ŭ abituryjentaŭ nie budzie intaresu.

«Ale, nasupierak tamu, što skazaŭ rektar KNU prafiesar Uładzimir Buhroŭ u zhadanym vami intervju, u 2024 hodzie Kijeŭski ŭniviersitet imia Tarasa Šaŭčenki płanuje abviaścić čarhovy nabor na biełarusistyku», — adpisaŭ «Našaj Nivie» prafiesar Siemianiuk.

Pa jaho słovach, va ŭniviersitecie viedajuć, što rodnaja mova biełarusaŭ — «simvał baraćby za niezaležnaść, a demakratyčna aryjentavanaja častka biełaruskaha hramadstva padtrymlivaje Ukrainu ŭ supraćstajańni z vorahami, i bahata biełarusaŭ vajuje pobač z ukraincami».

Prafiesar Siemianiuk dadaŭ, što z 17 kastryčnika va ŭniviersitecie ekspanujecca vystava «Z Ukrainaju ŭ sercy», pryśviečanaja biełarusam, zahinułym u baraćbie z rasijskim ahresaram.

Pa biełaruskich prahramach navučańnie nie spyniałasia 

Kijeŭski ŭniviersitet nabiraje studentaŭ na śpiecyjalizacyju «Biełaruskaja mova i litaratura, ukrainskaja mova i litaratura, anhlijskaja mova» z 2010 hoda.

Heta adukacyjnaja prahrama — unikalnaja, bo biełarusistyka jak asnoŭnaja dyscyplina vyvučajecca va Ukrainie tolki ŭ Navučalna-navukovym instytucie fiłałohii.

Studentaŭ na jaje nabirajuć raz na dva hady, a ich kolkaść u akademičnych hrupach vahajecca ad 4 da 10 čałaviek, pakolki zacikaŭlenaść abituryjentaŭ prahramaj nie byvaje stabilnaj.

Dyrektar Navučalna-navukovaha instytuta Kijeŭskaha nacyjanalnaha ŭniviersiteta imia Tarasa Šaŭčenki prafiesar Ryhora Siemianiuk. Fota: philology.knu.ua

Dyrektar Navučalna-navukovaha instytuta Kijeŭskaha nacyjanalnaha ŭniviersiteta imia Tarasa Šaŭčenki prafiesar Ryhora Siemianiuk. Fota: philology.knu.ua

U biahučym hodzie vučacca 4 studenty-biełarusisty na biudžetnym navučańni 4 kursa bakałaŭryjata. Sioleta skončyli mahistraturu 2 studentki.

«Mahistarskija raboty vypusknicy bliskuča abaranili na pasiadžeńni Dziaržaŭnaj ekzamienacyjnaj kamisii i atrymali vysokija bały z adznakaju», — padkreśliŭ Ryhor Siemianiuk.

Praciahvajucca dośledy, pracuje Centr imia Karatkieviča

Prafiesar Siemianiuk prainfarmavaŭ, što ŭ instytucie biełaruskaja mova i litaratura zastajecca abjektam navukovych daśledavańniaŭ i navukova-adukacyjnych raspracovak.

Sioleta, naprykład, byŭ apublikavany navukova-mietadyčny dapamožnik «Najnoŭšaja biełaruskaja litaratura va ŭzajemaadnosinach z ukrainskaj litaraturaj», raspracavany dacentam kafiedry słavianskaj fiłałohii Alenaj Pahrabniak.

Z 2009 hoda ŭ instytucie fiłałohii pracuje Centr biełaruskaj movy i kultury, jakomu ŭ 2012 hodzie było nadadzienaje imia Uładzimira Karatkieviča. Jon zjaŭlajecca vučebna-mietadyčnaj bazaj dla padrychtoŭki studentaŭ pa adukacyjnaj prahramie «Biełaruskaja i ŭkrainskaja movy i litaratury i anhlijskaja mova».

  U Centry biełaruskaj movy i kultury instytuta fiłałohii Kijeŭskaha ŭniviersiteta imia Šaŭčenki. Fota: knu.ua/biloruscentr

U Centry biełaruskaj movy i kultury instytuta fiłałohii Kijeŭskaha ŭniviersiteta imia Šaŭčenki. Fota: knu.ua/biloruscentr

Na praciahu 20 hadoŭ u im pravodziacca raznastajnyja navukovyja, kulturnickija i prafaryjentacyjnyja mierapryjemstvy. Sioleta Centr staŭ suarhanizataram sustrečy z kiraŭnictvam «Centra biełaruskich kamunikacyj», na jakoj abmiarkoŭvalisia pytańni padrychtoŭki va Ukrainie admysłoŭcaŭ-biełarusistaŭ.

«Spadziajemsia, što hieahrafičnaja, kulturnaja i histaryčnaja blizkaść, uzajemapadtrymka i ŭzajemaparazumieńnie miž našymi narodami buduć apiryščam u supracoŭnictvie demakratyčnaj Biełarusi i Ukrainy», — padsumavaŭ prafiesar Ryhor Siemianiuk.

Kijeŭski ŭniviersitet imia Tarasa Šaŭčenki zdavion źviazany ź Biełaruśsiu. U roznyja hady ŭ im vučylisia biełaruski etnohraf, adzin z zasnavalnikaŭ nacyjanalnaj histaryjahrafii Mitrafan Doŭnar-Zapolski, kłasik biełaruskaj litaratury Uładzimir Karatkievič, a taksama biełaruski historyk Anton Jasinski. Tut ładziacca rehularna akcyi salidarnaści ź biełaruskimi dobraachvotnikami i žałobnyja imprezy pa zahinułych na froncie biełarusach.

Hladzicie taksama:

Łaŭreat Nobieleŭskaj premii pa fizicy pieradaść uznaharodu ŭkraincam

U Kijevie adšukali źnikły dva hady tamu pomnik Žyźnieŭskamu, a biełaruskija dobraachvotniki adnavili narodny miemaryjał suajčyńniku

«Heta byŭ čałaviek typu Chokinha, jakoha pierśpiektyva rana pamierci zmusiła zrazumieć, nakolki ž žyćcio vartaje taho, kab jaho pražyć». Kim byŭ i jak žyŭ Mikoła Jermałovič

Клас
8
Панылы сорам
1
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?