Pytańnie padaŭžeńnia terminu dziejańnia DNŽ dla biełarusaŭ u Litvie z hodu da troch «amal vyrašanaje», zajaviła demakratyčnaja lidarka Śviatłana Cichanoŭskaja na sieminary «Biełaruś i biełarusy, 2020+: aceńvajučy pierśpiektyvy i vykliki demakratyčnaj budučyni krainy» 24 kastryčnika ŭ Vilni, piša «Pozirk».

Pavodle palityka, jaje kamanda «prapanoŭvała mihracyjnym słužbam Litvy pavialičyć termin dziejańnia dazvołu na žycharstva»: «Spadziajusia, što nieŭzabavie budzie padoŭžany dazvoł na žycharstva na try hady i termin dziejańnia pašparta zamiežnika».

Cichanoŭskaja ŭdakładniła, što napiaredadni abmiarkoŭvała hetaje pytańnie z premjer-ministarkaj krainy Inhrydaj Šymanicie.

Demlidarka padkreśliła, što litoŭski ŭrad razumieje biełaruskuju situacyju.

Pry hetym «my razumiejem usie tyja vykliki, što ciapier stajać pierad Litvoj, tuju niebiaśpieku z boku režymu Łukašenki — i mnohija rašeńni Litvy buduć pryniatyja mienavita z hetaha punkta hledžańnia», dadała jana.

Jak paviedamlałasia, ministarka ŭnutranych spraŭ Litvy Ahnie Biłatajcie 11 kastryčnika zarehistravała papraŭku ŭ zakon «Ab pravavym statusie zamiežnikaŭ», jakaja dazvolić hramadzianam inšych dziaržaŭ, jakija pražyvajuć u hetaj krainie z‑za ryzyki palityčnaha pieraśledu ŭ svajoj krainie, atrymlivać časovy dazvoł na žycharstva (DNŽ) na try hady.

Čytajcie taksama:

Jak prapuskajuć praź miažu tych, chto nie paviedamiŭ pra svoj DNŽ, kartu palaka abo inšaje hramadzianstva

Jak žychar Brahina adkazaŭ na pytańnie «Čyj Krym» mihracyjnym uładam Litvy i čamu ciapier šukaje pracu doma

U biełarusaŭ na miažy stali praviarać, ci paviedamili jany pra DNŽ inšaj krainy

Клас
6
Панылы сорам
0
Ха-ха
1
Ого
0
Сумна
0
Абуральна
0