Fota: av.by, kałaž «Naša Niva»

Fota: av.by, kałaž «Naša Niva»

VW Jetta

«Narodny» aŭtamabil z-za akijana — VW Jetta siomaj hienieracyi. Ceny na takija aŭto ŭ Biełarusi pačynajucca z adznaki ŭ 15 tysiač dalaraŭ. Ale aryjentavacca na samy niz rynku nie najlepšaja ideja, bo pa nizkich cenach hodnyja varyjanty sustrakajucca vielmi redka. Tamu lepiej aryjentavacca na tysiač 16.

Fota: skrynšot z sajta av.by

Fota: skrynšot z sajta av.by

Siomaje pakaleńnie VW Jetta nie maje anałahaŭ u Jeŭropie, tamu absalutna ŭsie mašyny ŭ prodažy pryjechali da nas mienavita sa Štataŭ abo Kanady. Amal usie jany majuć pad kapotam ruchavik abjomam 1,4 litra. Sustrakajucca aŭtamabili jak z aŭtamatyčnaj, tak i ź miechaničnaj karobkaj pieradač.

2-litrovyja varyjanty ŭ Biełaruś traplajuć redka, bo, aproč bolš vysokaj cany ŭ ZŠA, mytnyja płaciažy za taki abjom ruchavika značna bolšyja.

Z 200 vystaŭlenych na prodaž Jetta tolki 7 majuć pad kapotam 2-litrovy ruchavik. Ceny na takija aŭto pačynajucca ŭžo z 22 tysiač dalaraŭ.

Ford Escape

Siarod parkietnikaŭ vialikaj papularnaściu karystajecca Ford Escape 4-ha pakaleńnia, jaki pryjšoŭ na kanviejer u 2019 hodzie. Za samyja tannyja Escape prosiać kala 18 tysiač dalaraŭ. Pry hetym 2/3 z vystaŭlenych na prodaž mašyn majuć canu ŭ 20+ tysiač dalaraŭ.

Fota: skrynšot z sajta av.by

Fota: skrynšot z sajta av.by

Madelny šerah Ford Escape maje try varyjanty ruchavika. Dva bienzinavyja abjomam 1,5 i 2,0, a taksama adzin hibrydny z ruchavikom abjemam 2,5 litra. 

Bolšaść Escape, pryviezienych u Biełaruś, azdoblenyja «prachadnym» paŭtaralitrovym turbamatoram. Tolki kožny dziasiaty maje pad kapotam 2-litrovy ruchavik. I ŭsiaho 5 z 157 varyjantaŭ — heta hibrydnyja Escape z matoram na 2,5 litra.

U adroźnieńnie ad VW Jetta ŭ Ford Escape jość jeŭrapiejski anałah. U Starym śviecie madel pradajecca pad nazvaj Ford Kuga.

Buick Encore 

Hety aŭtamabil taksama nie pieršy hod maje vysoki popyt na biełaruskim rynku aŭto z ZŠA. Jon maje anałah u Jeŭropie — Opel Mokka. Usie Buick Encore majuć ruchavik abjomam 1,4 litra, jaki pracuje ŭ pary z AKPP. Siarod fundamientalnych adroźnieńniaŭ, badaj, tolki toj fakt, što hetyja aŭto mohuć być jak piaredniepryvadnymi, tak i poŭnapryvadnymi.

Fota: skrynšot z sajta av.by

Fota: skrynšot z sajta av.by

U Biełarusi ceny na Buick Encore 2019 hoda vypusku pačynajucca z 14,5 tysiačy dalaraŭ. Ale bolš za ŭsio prapanoŭ u cenavym dyjapazonie 16-17 tysiač dalaraŭ.

Masłkary. Ford Mustang

Siarod biełaruskich aŭtaamataraŭ davoli vialikaj papularnaściu karystajucca tak zvanyja masłkary. 

Čaściej za ŭsio da nas viazuć Ford Mustang. Ciapier u Biełarusi pradajecca bolš za 50 takich aŭto nie starejšych za 2019 hod. Siarod ich davoli šmat kabryjaletaŭ — 21 z 54.

Fota: skrynšot z sajta av.by

Fota: skrynšot z sajta av.by

Za vyklučeńniem niekalkich ekzemplaraŭ, ceny na Mustang ŭ nas startujuć z adznaki ŭ 25 tysiač dalaraŭ. Stolki prosiać za aŭtamabili, u jakich pad kapotam staić ruchavik abjomam 2,3 litra.

A voś Mustang z 5,0 — vialikaja redkaść. Takich z 54 štuk usiaho 5.

Za samy tanny prosiać 39 tysiač dalaraŭ, a za samy darahi — 65 tysiač.

Chevrolet Camaro

Na druhim miescy pa papularnaści siarod amierykanskich masłkaraŭ u Biełarusi idzie Chevrolet Camaro. Takich mašyn ad 2019 hoda vypusku pradajecca 40 štuk.

Ceny na Chevrolet Camaro nie starejšyja za 4 hady startujuć z 24,5 tysiačy dalaraŭ.

Fota: skrynšot z sajta av.by

Fota: skrynšot z sajta av.by

U 30 z 40 varyjantaŭ pad kapotam 2-litrovy mator, 9 mašyn maje ruchavik abjomam 3,6 litra. Ceny na takija aŭto pačynajucca ŭžo z 30 tysiač dalaraŭ. Taksama ŭ prodažy jość adzin Camaro, pad kapotam u jakoha ruchavik na 6,2 litra. Prosiać za taki aŭtamabil 2022 hoda vypusku z prabieham 8 048 kiłamietraŭ 44 100 dalaraŭ.

Dodge Challenger

Zamykaje trojku lidaraŭ Dodge Challenger, mašyn da 4 hadoŭ u prodažy 33 štuki. Za vyklučeńniem niekatorych varyjantaŭ, za jakija prosiać 27-29 tysiač dalaraŭ, ceny na Dodge Challenger ad 2019 hoda i vyšej startujuć z 30 tysiač dalaraŭ.

Fota: skrynšot z sajta av.by

Fota: skrynšot z sajta av.by

U adroźnieńnie ad dvuch papiarednich masłkaraŭ minimalny abjom ruchavika ŭ Dodge Challenger — 3,6 litra. Z takim ruchavikom pradajecca 90% Challenger u Biełarusi. Ale siarod 33 mašyn jość 2 varynty z ruchavikami 5,7 litra i adzin z 6,4. Za apošni prosiać 39 900 dalaraŭ.

Chevrolet Equinox

Sapraŭdnym biestsieleram siarod amierykanskich aŭto va ŭzroście da 4 hadoŭ źjaŭlajecca Chevrolet Equinox. Na biahučy momant u Biełarusi pradajecca bolš za 300 takich krasovieraŭ.

U 90% vypadkaŭ pad kapotam u Chevrolet Equinox, jakija jość na našym rynku, «prachadny» ruchavik na 1,5 litra.

Fota: skrynšot z sajta av.by

Fota: skrynšot z sajta av.by

Ceny startujuć z adznaki ŭ 16,5 tysiačy dalaraŭ dla aŭto z 1,5 litra i z 18,5 tysiačy dla 2-litrovych varyjantaŭ.

Što treba viedać, kali kuplaješ aŭto z ZŠA?

Pieršaje, da čaho varta być hatovym pakupnikam aŭto z ZŠA abo Kanady, — heta avaryjnaje minułaje. Heta nie abaviazkova musić być niešta fatalnaje, ale choć niejkija paškodžańni byli ŭ 99% aŭto, jakija jeduć da nas z hetych krain.

Kali pradaviec zaviaraje, što ŭvieś aŭtamabil u rodnaj afarboŭcy, to heta musić mocna naściarožyć, bo aproč «bitkoŭ» sa Štataŭ pryjazdžaje nie mała «taplakoŭ». Da mašyn paśla zatapleńnia treba stavicca asabliva aściarožna, bo taki aŭtamabil moža stać bombaj zapavolenaha dziejańnia.

Ale nasamreč pry ćviarozym padychodzie kupla aŭto sa Štataŭ moža akazacca vyhadnaj spravaj. Bałazie pravieryć historyju aŭtamabila, jaki raniej ekspłuatavali ŭ ZŠA, nie składana.

Jak nie kupić kiepski aŭtamabil?

Kab nie nabyć aŭtamabil paśla surjoznaha DTZ, zatapleńnia abo sa skručanym prabieham, treba abaviazkova pravieryć jaho historyju.

Zrabić heta vielmi prosta: u bolšaści vypadkaŭ dastatkova ŭvieści VIN-numar aŭtamabila ŭ pošukavik. Tak vy zmožacie ŭbačyć, jak vyhladała aŭto na momant prodažu na aŭkcyjonie.

Prykład taho, jak možna ubačyć, u jakim stanie, kali i ź jakim prabieham aŭtamabil byŭ pradadzieny na aŭkcyjonie ŭ ZŠA. Skrynšot z sajta bidfax.info

Prykład taho, jak možna ubačyć, u jakim stanie, kali i ź jakim prabieham aŭtamabil byŭ pradadzieny na aŭkcyjonie ŭ ZŠA. Skrynšot z sajta bidfax.info

Pradaŭcy taksama dobra viedajuć pra taki sposab pravierki, tamu niekatoryja paznačajuć u abjavie VIN-numar z pamyłkami abo naohuł ad inšaha aŭto. Tamu, kali pry praviercy aŭto z paznačanym u abjaŭcy VIN u vas nie atrymlivajecca ničoha znajści ŭ adkrytym dostupie, paprasicie pradaŭca vysłać zdymak techpašparta, kab daviedacca sapraŭdny VIN.

Kali ŭ internecie nijakaja infarmacyja pa VIN nie znachodzicca, to heta moža być vielmi surjoznym zvanočkam. Bo za hrošy možna vyčyścić usiu infarmacyju ź internetu. I kali pradaviec vykłaŭ na heta niekalki sotniaŭ dalaraŭ, to, vidavočna, jamu było što chavać.

Skrynšot adnaho z sajtaŭ, jaki prapanuje pasłuhi pa vydaleńni historyi aŭtamabilaŭ ź internetu

Skrynšot adnaho z sajtaŭ, jaki prapanuje pasłuhi pa vydaleńni historyi aŭtamabilaŭ ź internetu

Jašče adzin sposab pravieryć historyju aŭtamabila sa Štataŭ — zamović spravazdaču CARFAX. Servis płatny, i nijakich fota, jak vyhladaŭ aŭtamabil, u spravazdačy niama, ale zapisy pra paškodžańni i ich prykładny charaktar tam buduć.

Kupla na zamovu — ci jość sens?

Mnohija biełarusy navažvajucca nabyć aŭtamabil niepasredna ŭ Štatach. Zrabić heta całkam samastojna niemahčyma, ale firm-pasiarednikaŭ, jakija hatovy dapamahčy nabyć aŭto na aŭkcyjonie ŭ Amierycy i arhanizavać dastaŭku ŭ Biełaruś, u nas bolej čym dastatkova.

Taki sposab kupli aŭto z ZŠA dazvalaje atrymać jaho na 15-25% tańniej anałahičnaha aŭto ŭ Biełarusi. Ale treba być hatovymi, što ŭ takim vypadku na zapavietnym aŭto vy budziecie jeździć tolki praz 3-6 miesiacaŭ, bo 2-4 miesiacy treba na toje, kab aŭtamabil dabraŭsia da Biełarusi. Plus spatrebicca niejki čas na pošuk zapčastak i ramont.

Čytajcie taksama: 

Nie ŭsio tak radasna, jak moža zdacca. Jakija pošliny na aŭto isnujuć u ES

Клас
11
Панылы сорам
5
Ха-ха
9
Ого
3
Сумна
2
Абуральна
6