Fota: SK

Fota: SK

U sudzie Mahilova abviaścili prysud 34-hadovaj žančynie, jakaja z asablivaj žorstkaściu sprabavała zabić novanarodžanuju dačku. Abłasnaja prakuratura padtrymała dziaržabvinavačańnie, piša blizko.by.

Žančyna daviedałasia pra svaju piatuju niepažadanuju ciažarnaść i vyrašyła, što dzicia joj nie patrebnaje. Nočču 17 krasavika jana naradziła zdarovuju małuju ŭ vannaj, pakul muž i inšyja dzieci spali.

Žančyna razumieła, što dziaŭčynka źjaviłasia na śviet žyvoj, ale ŭsio roŭna zachacieła ad jaje pazbavicca. Dla hetaha zamatała ŭ adnarazovuju pialonku i dva ručniki, pakłała ŭ dva polietylenavyja pakiety i tuha zaviazała ich ručki.

Žyvy skrutak vykłała na dach nad padjezdam doma. Dziaŭčynka była asudžanaja na viernuju śmierć, bo tempieratura ŭ tuju noč nie pieravyšała +7°S, ale praz ščaślivuju vypadkovaść zastałasia žyvaja.

Susiedka vyjšła na bałkon papalić i pačuła płač. Kali jana ŭbačyła, u čym reč, to vyklikała chutkuju. Dziaŭčynku zdoleli vyratavać.

Maci pierakonvała sudździu i prakurora, što nie chacieła zabivać dačku i škaduje ab zroblenym.

Ale sud pryznaŭ žančynu vinavataj i pryznačyŭ 9 hadoŭ pazbaŭleńnia voli ŭ kałonii ahulnaha režymu. Taksama jana pavinna budzie vypłacić maralnuju škodu zakonnamu pradstaŭniku dziaŭčynki ŭ 10 tysiač rubloŭ.

Prysud u zakonnuju siłu pakul nie ŭstupiŭ.

Клас
13
Панылы сорам
5
Ха-ха
1
Ого
3
Сумна
5
Абуральна
18