Ilustracyjnaje fota «Naša Niva»

Ilustracyjnaje fota «Naša Niva»

U pastanovie suda adznačajecca, što jany pavinny byli viedać pra niezakonnaść udziełu ŭ masavych mierapryjemstvach, bo heta tłumačyłasia ŭ apublikavanym vystupie hienprakurora, a taksama ŭ dziaržaŭnych ŚMI, piša «Viasna».

Antonu i Anastasii Nikicinym staviłasia ŭ vinu toje, što na dźviuch akcyjach pratestu ŭ 2020 hodzie jany «błakavali i zastupali darohu transpartnym srodkam, u vyniku čaho ich dziejańni paciahnuli parušeńnie pracy transpartu, jakoje vyjaviłasia ŭ spynieńni transpartu na terytoryi Minska, što pieraškadžała narmalnaj pracy KTUP «Minsk» i naniesła zhadanamu pradpryjemstvu materyjalnuju škodu na sumu 22500 rubloŭ 66 kapiejek i 47716 rubloŭ 7 kapiejek».

Na sudzie Nikiciny vinu pryznali całkam. Jany raspaviali, što «dvojčy ŭdzielničali ŭ niesankcyjanavanych masavych mierapryjemstvach, jakija prachodzili ŭ Minsku, padčas jakich u tym liku vychodzili na prajeznuju častku». 

Nikicinych identyfikavali pa fota ŭ instahramie, što i stała pryčynaj dla zaviadzieńnia kryminalnaj spravy i ich zatrymańniaŭ. Da suda Antona ŭtrymlivali pad vartaj, a Anastasija była na voli pad zakładam.

U vyniku sudździa Mlečka pryznačyŭ im pa try hady abmiežavańnia voli biez nakiravańnia ŭ papraŭčuju ŭstanovu adkrytaha typu («chatniaj chimii»). Paśla abviaščeńnia prysudu Antona vyzvalili z-pad varty.

Čytajcie taksama:

Za padpisku na try «ekstremisckija» resursy aryštavali rabotnika «Naftana»

Palitźniavolenaha navukoŭca Juryja Adamava pieraviali ŭ viciebskuju kałoniju

Ryhor Kastusioŭ vyjšaŭ z ŠIZA, ad jaho chavajuć vyniki ankałahičnaha daśledavańnia

Клас
1
Панылы сорам
3
Ха-ха
1
Ого
0
Сумна
0
Абуральна
17