Vid na carkvu kamuny Le-Pieaž-de-Rusijon. Fota: facebook.com/lepeagederoussillon
U francuzskaj kamunie Le-Pieaž-de-Rusijon (rehijon Avierń — Rona — Alpy) zatrymali 35-hadovaha biełarusa, jaki ŭ aholenym vyhladzie atakavaŭ dźviery miascovaj carkvy śviatoha Jana Chryściciela, paviedamlaje sajt «Biełaruś i śviet» sa spasyłkaj na Le Dauphine Libere.
Incydent adbyŭsia ŭ subotu, 30 vieraśnia, kala 10.00 ranicy. Miascovyja žychary prainfarmavali palicyju pra absalutna hołaha mužčynu, jaki biŭ nahami ŭ dźviery chrama. Vartavyja paradku nieadkładna aryštavali parušalnika spakoju.
Uličvajučy psichičny stan zatrymanaha, našaha suajčyńnika ahledzieŭ psichijatr, jaki daŭ zaklučeńnie ab jaho biesśviadomaści.
Adrazu paśla vyzvaleńnia z-pad varty mužčynu prymusova źmiaścili ŭ miedustanovu.
