«Vieraśniovuju palitru» navapałačanie prymierkavali da staražytnaha narodnaha śviata Bahač, jakim u biełarusaŭ zaviaršaŭsia cykł vyroščvańnia ŭradžaju. U hety dzień było pryniata padsumoŭvać zroblenaje, dziakavać pryrodzie za jaje ščodryja dary, ładzić śviatočny stoł i radavacca vynikam svajoj pracy.

Bahačom nazyvali łubok z žytam, usiaredzinu jakoha ŭstaŭlałasia śviečka. Zapaliŭšy śviečku, žychary vioski ź pieśniami nasili Bahač ad chaty da chaty. Ziernie simvalizavała ŭradlivaść, žyvy ahoń — žyćciadajnuju siłu sonca, a rytuał byŭ skiravany na zachavańnie dabrabytu, uradžajnaści, siamiejnaha ładu.

Narodnaja tradycyja, jak kažuć navukoŭcy, maje ŭniviersalny charaktar. Niezaležna ad času i miesca pražyvańnia, ludzi chočuć atrymlivać plon ad svaje pracy, imknucca da ščaślivaj doli, zamožnaści, dabrabytu. Tamu śviata zastajecca aktualnym i siońnia, a elemienty staražytnaha abradu adnaŭlajucca da našych dzion.

Hetym razam kulturnuju prahramu «Vieraśniovaj palitry» raspačaŭ połacki falkłorny hurt «Varhan». Atmaśfieru staražytnaści dapamahali ŭznavić siabry kłubaŭ histaryčnaj rekanstrukcyi Vargentorn i «Čorny Vojna», teatra histaryčnaha kaściuma «Połacki źviaz».

IMG_2533_novyj raźmier

Na śviacie možna było paznajomicca z tradycyjnymi biełaruskimi ramiostvami, padsiłkavacca stravami nacyjanalnaj kuchni, kupić aryhinalnyja suvieniry na kirmašy ramieśnikaŭ, pasłuchać staradaŭnija pieśni i ad dušy patančyć pad skrypku i dudu.

IMG_2546_novyj raźmier

IMG_2527

Usie, chto zavitaŭ tym dniom u haradski park Navapołacka, uzbahacilisia viedami, natchnieńniem, pazityŭnaj enierhijaj, adčuvańniem dałučanaści da tysiačahadovych tradycyj svajoj ziamli.

IMG_2630_novyj raźmier

IMG_2544_novyj raźmier

IMG_2658_novyj raźmier

Čytajcie taksama:

«U našych kambajnach nie tolki zbožža». Na «Dažynkach» u Hancavičach ludziej častavali cukierkami niezvyčajnym sposabam

«Pryjšoŭ Bahač, kidaj rahač». Jak pad Minskam adznačyli śviata zboru ŭradžaju

«Kultura Biełarusi vielmi padobnaja da tradycyj rodnaj Afryki». Inšaziemny tancor, jaki žyvie ŭ Minsku, raskazaŭ, za što lubić Biełaruś

Клас
10
Панылы сорам
1
Ха-ха
0
Ого
0
Сумна
0
Абуральна
0