Jaŭhien i Valancina Sakałovy Eugene and Valentina Sokolova Jevhienij i Valentina Sokołovy.

Jaŭhien i Valancina Sakałovy. Skrynšot videa: AlesChakhouski / YouTube

Valancina ŭradženka Niaśviža. U Bostanie jana maje ŭłasnuju majsterniu. Ale mastactvam ciažka zarablać, tamu žančyna pracuje ŭ dziciačym sadku.

Mastačka padisvaje svaje tvory psieŭdanimam Tina Stakh. «Ja vyrašyła, što treba, kab jon dobra čytaŭsia paŭsiul, va ŭsim śviecie. Svajo imia ja skaraciła da Cina. A vybirajučy proźvišča, ja vyrašyła, što treba, kab była adsyłka da Biełarusi. Stakh — heta z «Dzikaha palavańnia karala Stacha».

Jana prychilnica tvorčaści amierykanskaha mastaka Marka Rotki i svajho ziemlaka Michasia Sieŭruka.

Valancina Sakałova Valentina Sokołova Valentina Sokolova

Valancina Sakałova razam z Alesiem Čachoŭskim u svajoj majsterni. Skrynšot videa: AlesChakhouski / YouTube

Valancina pazicyjanuje siabie jak biełaruskuju mastačku. Jaje pracy ŭ asnoŭnym nabyvajuć biełarusy, jakija žyvuć za miažoj. Tamu jaje karciny zaraz pa ŭsim śviecie — u Kanadzie, Francyi, Polščy, Litvie, Niderłandach.

Jaje pakupniki — ludzi, jakija lubiać litaraturu. A kožnaja jaje praca — heta pieraŭvasoblenaja nazva viadomaj knihi i cytata ź jaje. Ale kniha nie abaviazkova biełaruskaja. Chacia siarod apošnich prac — karcina pa matyvach tvora Jevy Viežnaviec «Pa što idzieš, voŭča?». Paśla taho jak Valancina źniała majsterniu, u jaje zjavilisia i amierykanskija pakupniki.

Karcina pa matyvach tvora Jevy Viežnaviec «Pa što idzieš, voŭča?». Fota: fejsbuk mastački

Karcina pa matyvach tvora Jevy Viežnaviec «Pa što idzieš, voŭča?». Fota: fejsbuk mastački

Mastačka adznačaje, što ŭ jaje kaleh pa tvorčaj prastory, dzie jana zdymaje majsterniu, dastatkova šmat ujaŭleńniaŭ pra Biełaruś, im viadoma imia Alesia Bialackaha jak łaŭreata Nobieleŭskaj premii.

Dla Valanciny biełaruskaść — heta toje, biez čaho ty nie možaš žyć. «Jak dreva z karaniami: kali ŭ ciabie niama karanioŭ, to ty nie žyvieš. I ja zhodnaja z tezaj, što Biełaruś tam, dzie my».

Žančyna adznačaje, što biełarusy — metanakiravanyja ludzi. «Kali my ŭzialisia, to ŭžo nie adstupimsia. Voś pačaŭsia praces u 2020 hodzie. I zaraz my ŭsie idziom, što b ni adbyvałasia».

Jaje muž Jaŭhien — inžynier intehralnaj fatoniki. Jon atrymaŭ pracu ŭ ZŠA 6 hadoŭ tamu. 

Akramia taho, što pracuje ŭ ajci-śfiery, Jaŭhien — frontmien hurta ZnaROCK. Jon zajmajecca arhanizacyjaj biełaruskich hramadskich i kulturnych iventaŭ.

Biełaruskaść dla Jaŭhiena — heta adkaznaść. «Što my adkaznyja za budučyniu biełaruskaj kultury. I hetaja rysa stała bolš raspaŭsiudžanaj apošnim časam».

Akramia pracy, muzyki i hramadskaj dziejnaści, Jaŭhien zajmajecca bieham. «Mnie bolš padabajecca biehać u kamandzie. Jość takija estafiety na vialikija dystancyi. Zvyčajna na 200 mil (360 kiłamietraŭ). Hetuju dystancyju biažyć kamanda. Kožny pa nievialikim kavałku. Heta viesieła».

Kamanda biełarusaŭ u estafiecie Biełorusskaja sbornaja v estafietie The Belarusian team in the relay

Kamanda Free Belarus. Skrynšot videa: AlesChakhouski / YouTube

Kali Jaŭhiena Sakałova paprasili sfarmulavać koratka, što dla jaho značyć biełaruskaść, to jon zhadaŭ słovy adnoj biełaruskaj dziaŭčyny: «Jana skazała ŭ 2020 hodzie: «Idzi i biełaruś». Dzie «biełaruś» — heta dziejasłoŭ».

Čytajcie jašče:

Jak amierykancy reahujuć na biełaruski rok

«Biełaruski vajb» — novy prajekt Alesia Čachoŭskaha

U ZŠA źjaviacca murały na biełaruskuju tematyku

Клас
8
Панылы сорам
4
Ха-ха
1
Ого
0
Сумна
1
Абуральна
1

Chočaš padzialicca važnaj infarmacyjaj ananimna i kanfidencyjna?