Fota: Ministry of Tourism and Antiquities
Jehipiecka-niamiecka-aŭstryjskaja archieałahičnaja misija, jakaja pracavała ŭ hrabnicy Mieret-Niejt, imavierna, upłyvovaj pradstaŭnicy 1-j dynastyi — na archieałahičnym abjekcie Um al-Kaab u Abidosie ŭ muchafazie Sachah, zrabiła adkryćci, jakija pralivajuć dadatkovaje śviatło na hetuju zahadkavuju fihuru ŭ historyi Staražytnaha Jehipta.
Novaja znachodka — zbany ź vinom 5000-hadovaj daŭniny.
Hienieralny sakratar Najvyšejšaj rady pa staražytnaściach Mastafa Vaziry paviedamiŭ, što archieałahičnaja hrupa znajšła niekalki pachavalnych pryładaŭ, u tym liku sotni vialikich vinnych zbanoŭ, niekatoryja ź jakich mieli niepaškodžanyja korki i ŭtrymlivali dobra zachavanyja reštki vina 5000-hadovaj vytrymki.
Nadpisy taksama pakazvajuć na toje, što Mieret-Niejt adkazvała za centralnyja ŭradavyja ŭstanovy, takija jak kaznačejstva, što paćviardžaje teoryju pra toje, što jana hrała histaryčna značnuju rolu.
Dyrektar niamieckaha archieałahičnaha instytuta Dzitrych Raue adznačyŭ, što Mieret-Niejt była adzinaj žančynaj, u jakoj była ŭłasnaja manumientalnaja hrabnica na pieršych jehipieckich karaleŭskich mohiłkach u Abidosie, i jana, imavierna, była samaj mahutnaj žančynaj svajoj epochi.
Čytajcie taksama:
Padčas raskopak na miescy staroha Mienska znajšli manietu, jakoj 1250 hadoŭ
Archieałahičny kompleks na Miency abiacajuć zrabić novym brendam Biełarusi
