Fota: «Naša Niva»
Žycharka Kobryna zamoviła ŭ internet-kramie telefon, ale žadańnie mieć novy hadžet praź niejki čas abiarnułasia dla jaje prablemami, piša Blizko.by.
Pakolki krama znachodzicca ŭ Minsku, telefon pavinny byli dastavić praz kiroŭcu maršrutki. Kali pakupnica atrymała hadžet, jaje nie zadavolili pracenty za praterminoŭku płaciažoŭ, prapisanyja ŭ kredytnaj damovie.
Žančyna ŭ vyniku admoviłasia zabirać telefon i pieradała jaho nazad, ale pra svaju admovu nie paviedamiła kramie. Jana vyrašyła, što dastatkova prosta viarnuć telefon.
Praz dva hady na adras žančyny stali prychodzić paviedamleńni ab nieabchodnaści apłaty kredytu za telefon, a ŭ indyvidualnych umovach kredytnaj damovy, jakuju joj vysłali, stajali podpisy ad jaje imia.
Kab daviedacca, ci sapraŭdy jany naležać žančynie, była pryznačanaja sudovaja počyrkaznaŭčaja ekśpiertyza.
Pavodle ekśpierta, podpisy ŭ dakumiencie zroblenyja inšaj asobaj.
Vyniki ekśpiertyzy dazvolać milicyi pryniać rašeńnie pa hetaj spravie. Pa hetym fakcie Kobrynskim RAUS pravodzicca pravierka.
Čytajcie taksama:
Minčanka apłaciła adny zaniatki ŭ IT-škole. A praz hod u šoku: jana vinavataja canu cełaha kursa
