22 vieraśnia, napiaredadni vychadu paśla adbyćcia zapar treciaha administracyjnaha aryštu, u sudzie Centralnaha rajona sudździa Siarhiej Karmanovič razhledzieŭ jašče adnu administracyjnuju spravu, zaviedzienuju ŭ dačynieńni da Michaiła Łapunova.

Łapunoŭ znoŭ byŭ pryznany vinavatym u ździajśnieńni pravaparušeńnia i ŭžo čaćviorty raz adpraŭleny za kraty.

Padtrymać Michaiła možna, dasłaŭšy jamu paštoŭku na adras:

Łapunoŭ Michaił Ryhoravič, IČU, vuł. Mižharodniaja, 26, h. Homiel, 246144.

Syn Michaiła — Mikita — ci nie najmaładziejšy z zatrymanych u vyniku pratestaŭ 2020 hoda. Na toj momant 16-hadovaha Mikitu, chvoraha na epilepsiju, abvinavacili ažno pavodle troch artykułaŭ Kryminalnaha kodeksa i asudzili na 5 hadoŭ vychavaŭčaj kałonii.

Paźniej na chłopca zaviali jašče adnu kryminalnuju spravu — za toje, što jon nibyta napaŭ na supracoŭnika SIZA i pahražaŭ jaho rodnym.

Ahulny termin pakarańnia dla Mikity skłaŭ 4 hady i 6 miesiacaŭ vychavaŭčaj kałonii.

Čytajcie taksama:

Bieraściejca pakarali za abrazu ministra adukacyi

Stali viadomyja vyraki videaapierataru Viačasłavu Łazaravu i jaho žoncy Taćcianie Pyćko 

42-hadovy haradzieniec pakinuŭ radzimu paśla zatrymańnia. I praz tydzień nie vytryvała serca

Клас
1
Панылы сорам
0
Ха-ха
1
Ого
0
Сумна
0
Абуральна
3