Darja Zajac. Fota: jaje staronka ŭ instahramie

Darja Zajac. Fota: jaje staronka ŭ instahramie

Adnoj z zahinułych, Darji Zajac, było 27 hadoŭ. Dziaŭčyna skončyła Mahiloŭski dziaržaŭny kaledž mastactvaŭ u 2015 hodzie. Paśla pastupiła ŭ Biełaruskuju dziaržaŭnuju akademiju mastactvaŭ na śpiecyjalnaść «hrafičny dyzajn».

Uvieś hety čas dziaŭčyna pracavała hrafičnym dyzajnieram. Spačatku ŭ dyzajn-studyjach, a ŭ apošni hod pierajšła ŭ IT, u kampaniju Glera Games, jakaja raspracoŭvaje mabilnyja hulni.

Siarod inšaha dziaŭčyna była ilustratarkaj dźviuch biełaruskamoŭnych knih: zbornika kazak «12 miesiacaŭ. Žnivień» ad «Mastackaj litaratury» i knihi «Kazačny kut» ad pryvatnaha vydaviectva.

Knihi, ilustravanyja Darjaj Zajac

Knihi, ilustravanyja Darjaj Zajac

U adpačynak dziaŭčyna pajechała ŭ Turcyju. Darja kupiła palot na parapłanie ź instruktaram. Na vyšyni 800 mietraŭ parapłan pačaŭ hublać vyšyniu i raźbiŭsia. Dziaŭčyna zahinuła, a instruktar u ciažkim stanie ŭ reanimacyi lakarni Ałańji. Palicyja pravodzić rasśledavańnie.

Druhaja zahinułaja — 24-hadovaja ajcišnica Viktoryja Kałavusava. Dziaŭčyna taksama rodam z Mahilova. Jana skončyła spačatku Sacyjalna-humanitarny kaledž imia Kulašova, a paśla Biełaruska-rasijski ŭniviersitet pa śpiecyjalnaści «aŭtamatyzavanyja sistemy apracoŭki infarmacyi». Pracavała ŭ kampanii «Sotbit».

Apošnim časam dziaŭčyna žyła ŭ Hruzii, u horadzie Batumi. Jaje sapraŭdnym zachapleńniem byŭ rovar, i jana ŭdzielničała ŭ amatarskich spabornictvach i marafonach, rehularna zajmajučy pryzavyja miescy. Taksama vielmi lubiła padarožničać.

Zhodna z infarmacyjaj z tureckich miedyja, Viktoryja ź siabram patrapili ŭ DTZ: jany jechali na rovary, i ich na vialikaj chutkaści źbiła mašyna.

Клас
3
Панылы сорам
2
Ха-ха
1
Ого
1
Сумна
119
Абуральна
4