Praz try dni bank abiacaje spynić dziejańnie damoŭ na absłuhoŭvańnie rachunkaŭ i kartak, a taksama dystancyjnaje absłuhoŭvańnie klijentaŭ-nierezidentaŭ, jakija adkryli rachunki nie asabista, a z vykarystańniem davieranaści.

Ich prosiać samastojna da 26 vieraśnia pryvieści kartki i rachunki, adkrytyja ŭ banku, da nulavoha bałansu. Heta možna zrabić, albo pieravioŭšy hrošy na inšy rachunak, albo atrymać ich najaŭnymi niepasredna ŭ banku.

Jak paviedamili Office Life u BNB-banku, heta rašeńnie tyčycca nie padatkovych nierezidentaŭ, a mienavita hramadzian inšych dziaržaŭ, jakija stali klijentami banka pa davieranaści.

U banku havorać, što rašeńnie było pryniata na asnovie «dziejnaha bankaŭskaha zakanadaŭstva Respubliki Biełaruś, a taksama z ulikam kryteryjaŭ vyjaŭleńnia i prykmiet padazronych finansavych apieracyj».

Raniej u Biełarusi zabaranili rabić uhody z majomaściu hramadzian pa davieranaściach, vydadzienych pa-za miežami Biełarusi.

Čytajcie taksama:

Biełahraprambank dazvoliŭ zdymać hrošy ŭ svaich bankamatach biez kartak

Biełarusbank prypyniaje pryjom novych i papaŭnieńnie niekatorych adkrytych układaŭ u dalarach

Biełarusy stali bolš tracić na pajezdki za miažu

Клас
6
Панылы сорам
0
Ха-ха
4
Ого
1
Сумна
0
Абуральна
6