Ilustracyjnaje fota Minabarony Rasii

Ilustracyjnaje fota Minabarony Rasii

Rasijskija praŭładnyja ŚMI atrymali ad Administracyi prezidenta «nastojlivuju prośbu» jak maha mienš aśviatlać čutki pra druhuju chvalu mabilizacyi (u pačatku vieraśnia ŭ sacsietkach i miesiendžarach staŭ raspaŭsiudžvacca adpaviedny fejkavy zahad Minabarony Rasii. Pra heta «Mieduzie» raspaviali dva supracoŭniki takich vydańniaŭ.

Pa ich słovach, prapahandystaŭ paprasili nie publikavać navat aficyjnych abviaržeńniaŭ takich čutak (kali jany źjaviacca znoŭ). Rabotnik adnaho z praŭładnych tabłoidaŭ rastłumačyŭ, što takija kamientary nabirajuć vialikuju kolkaść prahladaŭ i mnohija ludzi daviedajucca pra fejki mienavita ź ich: «A jak u nas [u Rasii] ličycca — kali ŭłady niešta abviarhajuć, značyć, dakładna budzie».

Surazmoŭcy adznačyli, što prośba Administracyi prezidenta ŭ tym liku tyčycca zajaŭ kiraŭnika kamiteta Dziarždumy pa abaronie Andreja Kartapołava (raniej mienavita jon abviarhaŭ «zahad» ab novaj chvali mabilizacyi — jaho słovy pracytavali mnohija praŭładnyja ŚMI).

Hety deputat staŭ šyroka viadomy ŭ vieraśni minułaha hoda, kali «abvierh» padrychtoŭku mabilizacyi prosta napiaredadni jaje pačatku.

Akramia taho, mienavita Kartapołaŭ vosieńniu minułaha hoda, kamientujučy źmianieńnie pryzyŭnoha ŭzrostu, zapeŭnivaŭ, što 18-hadovyja pryzyŭniki armii nie patrebnyja i na słužbu ciapier buduć nabirać z 21 hoda.

U vyniku ž rasijskija ŭłady padniali tolki vierchniuju miažu pryzyvu (da 30 hadoŭ) — a nižniuju pakinuli raniejšaj. Niekatoryja z samych papularnych praŭładnych vydańniaŭ užo pierastali cytavać deputata Dziarždumy.

Zamiest navin z kamientarami ab mahčymaj mabilizacyi ŭ Kramli prapanavali prapahandystam zrabić upor na publikacyi ab nabory kantraktnikaŭ, jaki nibyta idzie vielmi paśpiachova. Pry hetym adzin z surazmoŭcaŭ, jakija pracujuć u praŭładnych ŚMI, adznačyŭ, što niekatoryja takija vydańni mohuć praihnaravać rekamiendacyju Administracyi prezidenta (i praciahvać nabirać prahlady), kali ŭ ich kiraŭnictva «dobryja asabistyja adnosiny» z kramloŭskimi kuratarami.

Krynica «Mieduzy», blizkaja da Administracyi prezidenta RF, u svaju čarhu, patłumačyła takuju rekamiendacyju tym, što sama zhadka mabilizacyi «vielmi tryvožyć hramadstva»: «praściej ab hetaj temie jak maha mienš kazać, tryhieraŭ mienš».

Napiaredadni prezidenckich vybaraŭ 2024 hoda takaja «tryvožnaść» Kramlu nie patrebnaja: «jana ŭpłyvaje na nastroi ludziej, u častki ź ich jana moža pieraraści ŭ pratesnyja nastroi. Takija buduć hałasavać suprać [Pucina] ci nie pojduć na vybary».

Heta naŭprost supiarečyć zadačam palityčnaha błoka Administracyi prezidenta, jaki maje namier zabiaśpiečyć Pucinu rekordnyja pakazčyki na vybarach 2024 hoda (jak užo pisała «Mieduza», havorka idzie bolš jak pra 80% hałasoŭ pry jaŭcy bolšaj za 70%). Pry hetym surazmoŭcy «Mieduzy», blizkija da Kramla, abmovilisia, što ničoha nie viedajuć pra toje, ci budzie novaja chvala mabilizacyi ŭ pryncypie.

Čytajcie taksama:

U Dziarždumie Rasii płanujuć razhledzieć papraŭki ab kryminalnaj adkaznaści za ŭchileńnie ad mabilizacyi

Rasijskuju armiju płanujuć papoŭnić 400 tysiačami kantraktnikaŭ

U Kramli patłumačyli, čamu praciahvaje dziejničać ukaz pra «častkovuju mabilizacyju»

Клас
2
Панылы сорам
1
Ха-ха
13
Ого
0
Сумна
1
Абуральна
0