Alaksiej Kuźmin na sudzie 11 vieraśnia. Fota: sb.by

Alaksiej Kuźmin na sudzie 11 vieraśnia. Fota: sb.by

Niahledziačy na toje, što ŭ lipieni palitviazień vymušana daŭ prapahandystam intervju z «pakajańniami», ciapier jaho ŭsio adno sudziać za «dapamohu ŭ raspalvańni inšaj sacyjalnaj varožaści hrupaj asob» i «aktyŭny ŭdzieł u dziejańniach, jakija hruba parušajuć hramadski paradak».

Alaksieju Kuźminu pahražaje da 12 hadoŭ kałonii. Spravu suprać palitviaźnia razhladaje Siarhiej Chrypač.

Alaksieja zatrymali 26 kastryčnika 2022 hoda i źmiaścili pad vartu. Zhodna ź viersijaj abvinavačańnia, z 9 žniŭnia 2020 hoda da 8 krasavika 2021 hoda jon, zajmajučy pasadu načalnika adździeła sistem pradbilinhu i taryfikacyi kiravańnia telekam-rašeńniaŭ Departamienta infarmacyjnych technałohij STAA «MTS» i majučy dostup da asabistaj infarmacyi klijentaŭ apieratara mabilnaj suviazi, «źlivaŭ» jaje ŭ telehram-kanały «Čornaja kniha Biełarusi», «Karniki Biełarusi», «Vsie narušienija!».

Pa spravie prachodzić nie mienš za 57 «paciarpiełych»: siłaviki, praŭładnyja žurnalisty, čynoŭniki, sudździ, prakurory i členy ich siemjaŭ. Siarod ich — prapahandystka Ludmiła Hładkaja, deputat Siarhiej Kliševič, praŭładny biznesmien Jaŭhien Aleksiajuk.

Taksama palitviaźnia sudziać za ŭdzieł u akcyi pratestu, dokazam jakoha źjaŭlajecca jahony fotazdymak na darozie.

Ciapier Kuźmina abvinavačvajuć pavodle dvuch artykułaŭ Kryminalnaha kodeksa: č. 6 art. 16 i č. 3 art. 130 (dapamoha ŭ raspalvańni varožaści i varažniečy, učynienaja hrupaj asob) i art. 342 (aktyŭny ŭdzieł u dziejańniach, jakija hruba parušajuć hramadski paradak). Jamu pahražaje da 12 hadoŭ źniavoleńnia.

Na sudzie Alaksiej vinu pryznaŭ całkam i «raskajaŭsia» ŭ ździejśnienym. Jon chadajničaŭ ab praviadzieńni pracesu ŭ zakrytym režymie, ale chadajnictva nie zadavolili. Sud prachodzić u adkrytym režymie, na im dapytvajuć «paciarpiełych».

Čytajcie taksama:

Eks-načalnika z MTS Alaksieja Kuźmina buduć sudzić pavodle dvuch kryminalnych artykułaŭ

SK vystaviŭ abvinavačvańnie supracoŭniku MTS Alaksieju Kuźminu

Zatrymali načalnika adździeła MTS Alaksieja Kuźmina

Клас
0
Панылы сорам
0
Ха-ха
0
Ого
0
Сумна
3
Абуральна
10