Ludzi chavajucca i praviarajuć naviny na svaich mabilnych telefonach paśla ziemlatrusu ŭ Rabacie, Maroka, u piatnicu, 8 vieraśnia. Fota: Mosa'ab Elshamy / AP

Ludzi chavajucca i praviarajuć naviny na svaich mabilnych telefonach paśla ziemlatrusu ŭ Rabacie, Maroka, u piatnicu, 8 vieraśnia. Fota: Mosa'ab Elshamy / AP

Hieafizičny centr Maroka paviedamiŭ, što ziemlatrus mahnitudaj 7,2 adbyŭsia ŭ rajonie Atłaskich hor. Hieałahičnaja słužba ZŠA acaniła mahnitudu ziemlatrusu ŭ 6,8 i paviedamiła, što jon adbyŭsia na adnosna nievialikaj hłybini — 18,5 kiłamietra.

Skrynšot videa

Skrynšot videa

Horny rajon, dzie adbyŭsia ziemlatrus, znachodzicca prykładna za 70 kiłamietraŭ na paŭdniovy zachad ad Marakieša. Ziemlatrus pačaŭsia paśla 23:00 pa miascovym časie. Jon taksama adčuvaŭsia ŭ prybiarežnych haradach Rabat, Kasabłanka i Es-Suviejra.

U Starym horadzie Marakieša, jaki ŭvachodzić u śpis Suśvietnaj spadčyny JUNIESKA, abrynułasia niekalki budynkaŭ. Miascovaje telebačańnie pakazała kadry minareta miačeci, jaki ŭpaŭ.

Aficyjnaja infarmacyja pra zdareńnie źjaviłasia tolki praź niekalki hadzin.

Spačatku ahienctva Reuters sa spasyłkaj na miascovaha čynoŭnika paviedamlała pra dziasiatki zahinułych. Bolšaść ź ich, pavodle jaho słoŭ, znachodziacca ŭ hornych rajonach, kudy ciažka dabracca.

Paźniej Ministerstva ŭnutranych spraŭ paviedamiła, što prynamsi 820 čałavieki zahinuli, niekalki sotniaŭ paraniena.

Čytajcie taksama:

U Francyi ludziej napałochaŭ nietypovy mocny ziemlatrus na zachadzie krainy

Siejsmołahi: U Biełarusi apošnim časam ziemlatrusaŭ nie zafiksavana

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?