Irdorath - Zorami

«Mnohija z vas viedajuć našu historyju. Paśla našaha vyzvaleńnia z turmy šmat roznych žurnalistaŭ sprabavali parazmaŭlać z nami pra apošnija dva hady, ale my paličyli, što prostymi słovami nielha vykazać toje, što my chacieli skazać.

Takim čynam, my abrali mastactva jak najbolš poŭnuju formu samavyjaŭleńnia. U hetym tvory jość usio, što možna skazać pra hetuju zmročnuju historyju. Heta i zaviaršeńnie ciomnaha, i pačatak novaha, śvietłaha raździeła!» — śćviardžajuć muzyki.

Jany dziakujuć usim, chto ich uvieś hety čas padtrymlivaŭ, i zajaŭlajuć nastupnuju metu — jak maha chutčej viarnuć Irdorath na scenu!

Muzykaŭ Irdorath zatrymali 2 žniŭnia 2021 hoda.

Paźniej ich pryznali vinavatymi pa artykule 342 KK («Arhanizacyja abo padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich»). Uładzimir i Nadzieja Kałačy atrymali pa 2 hady kałonii, Anton Šnip, Piotr i Julija Marčanki — pa 1,5 hoda kałonii.

Paśla vyzvaleńnia, adsiedzieŭšy ŭvieś termin, muzyki vyjechali za miažu i abviaścili zbor hrošaj na adnaŭleńnie dziejnaści.

«Suma zboru — €10 500. Srodki patrebnyja na reabilitacyju paśla kałonii i adaptacyju ŭ novaj krainie. Ale bolšaja častka pojdzie na adradžeńnie našych tvorčych prajektaŭ — my chočam adnavić muzyčnyja instrumienty i abstalavańnie, kab praciahvać natchniać biełarusaŭ», — pisali muzyki.

Ich dahetul možna padtrymać praz «Bajsoł».

Čytajcie taksama:

Hurt Irdorath apublikavaŭ pieršaje za dva hady videa. Jany prosiać ab dapamozie

Siamiejnaja para muzykaŭ z hurta Irdorath vyjechała ź Biełarusi

Muzyki hurta Irdorath Uładzimir i Nadzieja Kałač — na voli

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?