Na łavie padsudnych apynuŭsia radavy-kantraktnik, jaki nie viarnuŭsia na słužbu z adpačynku. Jamu inkryminavali samavolnaje pakidańnie čaści abo miesca słužby (č. 3 art. 445 Kryminalnaha kodeksa Biełarusi), jakoje zaciahnułasia bolš čym na miesiac.

Viadoma, što chłopiec zaklučyŭ kantrakt ab prachodžańni słužby na čas navučańnia ŭ vajskovym vučyliščy. Adnak, pajšoŭšy ŭ adpačynak, jon nie źjaviŭsia ŭ vučyliščy, jak pavinien byŭ, 8 studzienia, i zastavaŭsia doma da 5 krasavika.

Padčas suda fihurant całkam pryznaŭ vinu i raskajaŭsia, što paličyli źmiakčalnaj akaličnaściu.

Za amal try miesiacy, jakija sałdat samavolna znachodziŭsia doma, jaho asudzili da 3 hadoŭ pazbaŭleńnia voli. Ale pry hetym sud daŭ jamu adterminoŭku vykanańnia pakarańnia z vyprabavalnym terminam na 2 hady. Kali za hety čas fihurant nie zrobić bolš pravaparušeńniaŭ, to ŭ kałoniju jon nie adpravicca.

Taksama jaho abaviazali vypłacić kryminalna-pravavuju kampiensacyju pamieram 3700 biełaruskich rubloŭ.

Čytajcie taksama:

U Mahiloŭskaj vobłaści ładziać maštabnyja vajskovyja zbory. Pryzyvajuć vajskoŭcaŭ zapasu

Vučeńniaŭ «Zachad» sioleta nie budzie — ciapier aficyjna

Adyjoznaha byłoha pres-sakratara Minabarony ŭznaharodzili Nacyjanalnaj litaraturnaj premijaj

Клас
3
Панылы сорам
4
Ха-ха
3
Ого
0
Сумна
0
Абуральна
3