Murał u dvoryku na Karła Marksa, 11. Krynica: staronka Leanida Ščahłova ŭ Instagram

Murał u dvoryku na Karła Marksa, 11. Krynica: staronka Leanida Ščahłova ŭ Instagram

Adkryćcio prymierkavali da Dnia horada, jakoje buduć adznačać 9 vieraśnia. Inicyjatar stvareńnia murała — ułaśnik pryvatnaj halerei chałodnaj zbroi «Arsienał» i były šmathadovy dyrektar Hrodzienskaha miasakambinata Anatol Hryšuk. Aŭtar murała — hrodzienski mastak Uładzimir Kačan.

Za ŭzor byli ŭziatyja hraviury staražytnych majstroŭ. Da ich dadali vidy horada. Na vyjavach možna ŭbačyć pažarnuju kałanču, vulicu Zamkavuju, a taksama alenia śviatoha Hubierta. Stary zamak vyjavili ŭ sučasnym vyhladzie, a taksama tak, jak jon vyhladaŭ na viadomaj hraviury Macieja Ciunta.

«Hetuju ideju my prydumali razam z maimi siabrami, siarod jakich byli tvorčyja asoby. Spačatku byli dumki paklikać dziaciej i razmalavać ścianu hrafici, ale potym vyrašyli zrabić pa-inšamu», — skazaŭ Anatol Hryšuk «Viačerniamu Hrodnu».

Murał u hrodzienskim dvoryku na Karła Marksa, 11. Krynica: staronka Leanida Ščahłova ŭ Instagram

Murał u hrodzienskim dvoryku na Karła Marksa, 11. Krynica: staronka Leanida Ščahłova ŭ Instagram

Pavodle słoŭ Hryšuka, sa srodkami na stvareńnie murała dapamahli jaho siabry. Siarod ich nie tolki hrodziency. Maŭlaŭ, nichto nie admoviŭsia paŭdzielničać u prajekcie, a «dvoje pakryŭdzilisia, što im nie prapanavali».

Pobač sa ścianoj vysadziać kvietki i kusty. Na kłumbie ŭstalavali mietaličnuju skulpturu alenia, jakuju Hryšuku padaravali na 50-hodździe. Taksama jość skulptury kavala, jaki kuje mieč, i čaladnika, jaki razahravaje ahmień.

Čytajcie taksama:

U Hrodnie pamianiali datu śviatkavańnia Dnia horada ŭžo treci raz za try hady

U Rasonach źjaviŭsia murał z kałasami, vałoškami i busłami

Rabotniki kultury i adukacyi Haradoččyny razmalavali prypynki da Dnia biełaruskaha piśmienstva. I ŭzialisia za damy

Na vychadzie sa stancyi mietro «Instytut kultury» źjavilisia pryhožyja murały

Клас
23
Панылы сорам
0
Ха-ха
1
Ого
2
Сумна
0
Абуральна
0