Alaksiej Tałaj na sustrečy sa školnikami minskaj škoły №153, nazvanaj u jaho honar. Fota: staronka škoły ŭ Instagram

Alaksiej Tałaj naviedaŭ staličnuju škołu № 153, jakoj letaś prysvoili jaho imia. Miarkujučy pa videa, jakoje paralimpijec apublikavaŭ u svaim telehram-kanale, na sustreču ź im zaprasili vučniaŭ pačatkovaj škoły. Nahadajem, što paralimpijca-łukašysta abvinavačvajuć u tym, što jaho fond niezakonna pieravozić ukrainskich dziaciej z časova akupavanych Rasijaj terytoryj Ukrainy ŭ biełaruskija łahiery dla abrusačvańnia.

Taksama ŭ Dzień viedaŭ Tałaj paśpieŭ pračytać «matyvacyjnuju pramovu» ŭ Biełaruskim dziaržaŭnym univiersitecie fizkultury. Adzin z udzielnikaŭ sustrečy apublikavaŭ u storyz videa, dzie paralimpijec raspaviadaje ab tym, jak niekalki hadoŭ tamu jaho zdarovyja adnahodki razvažali «ź pivam na puzie» pra sport.

Alena Łanskaja ŭ Dzień viedaŭ «ź niepaŭtornym padarunkam tvorčym himnazistam» adpraviłasia ŭ staličnuju himnaziju №75. Tudy ž da dziaciej pryjšli staršynia Pastajannaj kamisii pa adukacyi, kultury i navucy Pałaty pradstaŭnikoŭ Nacyjanalnaha schodu Ihar Marzaluk i namieśnik kiraŭnika pradstaŭnictva Pastajannaha kamiteta Sajuznaj dziaržavy ŭ Minsku Uładzimir Žaŭniak. Čynoŭniki raskazvali dzieciam pra «važnyja dasiahnieńni Sajuznaj dziaržavy».

  Skryn storyz u instahramie siaścior Hruździevych

Skryn storyz u instahramie siaścior Hruździevych

Valancina Hruździeva, adna sa skandalna viadomych siaścior, kali viała dačku ŭ škołu, nastalhiravała ab tym, jakija raniej byli pieśni pra škołu — «takija ščyryja, sapraŭdnyja». «Ščaślivaja, što źjaviŭsia ŭrok patryjatyčnaha vychavańnia! Vielmi jon patrebny ŭ hety niaprosty čas», — paviedamiła jana padpisčycam u storyz.

A voś śpiavačka Hiuneš Abasava prosta pachvaliłasia tym, što pieraviała syna ŭ novuju škołu i ciapier jon ščaślivy.

Čytajcie taksama:

Bondarava pajšła ŭ ataku na ministra adukacyi

Azaronak — palakam: Vy ž niemcaŭ nie lubicie — dyk nie kličcie «Vahniera» na svaju hałavu

Prapahandysta Špakoŭskaha zrabili dypłamatam

Клас
2
Панылы сорам
15
Ха-ха
1
Ого
0
Сумна
1
Абуральна
6

Chočaš padzialicca važnaj infarmacyjaj ananimna i kanfidencyjna?