Styŭ Charveł. Fota: Tim Mosenfelder / Getty Images

Styŭ Charveł. Fota: Tim Mosenfelder / Getty Images

Frantmienu i adnamu z zasnavalnikaŭ amierykanskaha hurta Smash Mouth Styvu Charvełu zastałosia žyć usiaho niekalki dzion. Usiamu vinoj surjoznaje zachvorvańnie ŭ muzyki, piša vydańnie Entertainment Weekly.

Pavodle infarmacyi vydańnia, 56-hadovy artyst znachodzicca na apošniaj stadyi chvaroby, źviazanaj ź piačonačnaj niedastatkovaściu. Praz zachvorvańnie Charvełu zastałosia žyć «tydzień abo kala taho».

Krychu raniej rokiera vypisali z balnicy, ciapier jon znachodzicca doma siarod blizkich i siabroŭ, jakija płanujuć raźvitacca ź im ciaham najbližejšych troch dzion.

Dziesiać hadoŭ tamu Charvełu dyjahnastavali kardyjamijapatyju — zachvorvańnie, pry jakim serca nie spraŭlajecca ź pierapampoŭvańniem kryvi. Z-za chvaroby ŭ muzykanta raźviłasia sardečnaja niedastatkovaść, a taksama encefałapatyja Viernikie, jakaja niehatyŭna adbiłasia na jaho pamiaci i maŭleńni.

Akramia taho, artyst doŭhi čas zmahaŭsia z ałkaholnaj zaležnaściu. U 2021 hodzie Charveł pakinuŭ hrupu Smash Mouth. Heta adbyłosia paśla kancerta ŭ Ńju-Jorku, na jakim vykanaŭca nie zmoh vyrazna vykazacca na scenie i abmaciukaŭ hledačoŭ. Imavierna, takija pavodziny byli źviazanyja z čarhovym prystupam praz prablemy sa zdaroŭjem.

Čytajcie taksama:

Pamior muzyka Džymi Bafiet

Pamior biznesoviec Machamied Al-Fajed. Jahony syn raźbiŭsia ŭ aŭtakatastrofie razam z pryncesaj Dyjanaj

Pamior italjanski śpiavak Tota Kutuńjo

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?