Ihar Kałamojski na sudzie. Fota: Ukrainskaja praŭda

Ihar Kałamojski na sudzie. Fota: Ukrainskaja praŭda

Chadajnictva ab prymianieńni da Kałamojskaha miery strymańnia ŭ vyhladzie ŭtrymańnia pad vartaj było zadavolena častkova. Jamu vyznačana miera strymańnia ŭ vyhladzie ŭtrymańnia pad vartaj terminam na 60 dzion — da 31 kastryčnika ŭklučna. Sudździa pastanaviŭ uziać jaho pad vartu ŭ zale suda.

U toj ža čas pamier zakładu vyznačany jak 190 tysiač pražytačnych minimumaŭ dla pracazdolnych asob abo 509 miljonaŭ 960 tysiač hryŭniaŭ (kala 13 miljonaŭ 800 tysiač dalaraŭ).

Paśla abviaščeńnia rašeńnia prakuror ad kamientaroŭ admoviŭsia, Kałamojski taksama nie skazaŭ ni słova.

Paźniej abaronca Kałamojskaha Alaksandr Łysak u kamientary «Ukrainskaj praŭdzie» zajaviŭ, što advakaty buduć padavać apielacyju na pastanovu ab abrańni miery strymańnia.

«My ciapier nie razhladajem pytańnie ab uniasieńni zakładu. My budziem čakać poŭnaje rašeńnie suda. I, viadoma ž, budziem padavać apielacyju», — skazaŭ jon.

Raniej 2 vieraśnia Słužba biaśpieki Ukrainy, Biuro ekanamičnaj biaśpieki i Ofis hienprakurora Ukrainy ŭručyli aliharchu Iharu Kałamojskamu padazreńnie pa artykułach 190 i 209 Kryminalnaha kodeksa: machlarstva i lehalizacyja (admyvańnie) majomaści, atrymanaj złačynnym šlacham.

Šaŭčenkaŭski rajsud Kijeva vybiraŭ Kałamojskamu mieru strymańnia ŭ zakrytym režymie na prośbu advakata aliharcha. Adnak na abviaščeńnie rašeńnia žurnalistaŭ puścili.

Čytajcie taksama:

Sustreču biełaruskaj apazicyi ŭ Rumynii arhanizoŭvaŭ palittechnołah, jaki raniej byŭ źviazany ŭ tym liku z Kałamojskim

Z vobšukam pryjšli da ŭkrainskaha aliharcha Kałamojskaha

Va Ukrainie nacyjanalizujuć pradpryjemstvy aliharchaŭ

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?