Tvor vučanicy biełaruskaj škoły ŭ Biełastoku

Tvor vučanicy biełaruskaj škoły ŭ Biełastoku

Biełaruskaja škoła ŭ Biełastoku — heta filijał Biełaruskaj škoły ŭ Varšavie. Jana bolš viadomaja jak škoła Alesia Łozki.

Pa słovach zahadčyka filijału Aleha Jurčyka, arhanizavać biełaruskaje navučańnie dla dziaciej ź siemjaŭ biełaruskich emihrantaŭ, bolšaść ź jakich apynułasia na čužynie z-za pieraśledu na radzimie, było niaprosta.

Polskaje zakanadaŭstva dazvalaje pravodzić takija zaniatki ŭ škołach tolki dla pradstaŭnikoŭ nacyjanalnych mienšaściaŭ z polskim hramadzianstvam.

Ciaham troch hadoŭ rupliŭcy biełaruskamoŭnaha školnictva ŭ Biełastoku šukali vyjścia ź niaprostaj pravavoj situacyi i byli ŭściešanyja prapanovaj Alesia Łozki supracoŭničać ź jaho škołaj u jakaści filijału.

Biełastocki filijał pracuje jak škoła vychadnoha dnia. Zaniatki pravodziacca ŭ suboty dla vučniaŭ 1-4 kłasaŭ. Dźvie hadziny adviedziena na vyvučeńnie biełaruskaj movy i litaratury. Čaćvierakłaśniki hadzinu buduć jašče prachodzić kurs «Čałaviek i śviet».

Zaniatki ŭ biełaruskaj škole Biełastoka

Zaniatki ŭ biełaruskaj škole Biełastoka

Achvotnych vučycca pa-biełarusku ŭ Biełastoku źbirali ankietavańniem.

Byli zajaŭki na navučańnie ŭ biełaruskaj škole i ad baćkoŭ, čyje dzieci chodziać u starejšyja kłasy, ale ź ich pakul nie ŭdałosia sabrać hrup, pryznajecca Jurčyk. Jon spadziajecca, što na nastupny hod kłasaŭ budzie bolš.

Usiaho ŭ škołu zapisałasia bolš za 40 dzietak. U pieršy dzień, 2 vieraśnia, na zaniatki pryjšli kala dvaccaci.

«Dzieci 5 dzion na tydzień chodziać u polskija škoły, a ŭ subotu buduć prychodzić da nas, kab nie tolki razmaŭlać i vučycca pa-biełarusku, ale i kab paznajomicca sa svaimi biełaruskimi adnahodkami. Budziem spadziavacca, što dziakujučy našaj škole jany pasiabrujuć na ŭsio žyćcio. Siarod našych zadač zachavać i pašyryć biełaruskamoŭnaje asiarodździe», — tłumačyć Aleh Jurčyk.

Adzin z baćkoŭ adznačyŭ, što biełarusy pavinny viedać biełaruskuju movu navat na čužynie, bo nacyjanalnaja mova — heta toje, što adroźnivaje ich ad inšych.

«Tut vielmi šmat biełaruskich dziaciej i dla ich važnaje biełaruskamoŭnaje asiarodździe. Dzieci pavinny viedać, što biełarusy havorać pa-biełarusku, — kaža jon. — Sam ja ź Minska i tam zusim nie čuŭ biełaruskaj movy. U mianie nie było biełaruskamoŭnaha asiarodździa. Moj syn ciapier upeŭnieny, što ludzi ŭ śviecie havorać pa-biełarusku, i jamu heta treba».

Aleh Jurčyk

Aleh Jurčyk

U biełaruskaj škole pracujuć čatyry nastaŭniki, jakija zacikaŭlenyja, kab biełaruskija dzieci vučylisia pa-biełarusku i razmaŭlali pa-biełarusku, zapeŭnivaje Aleh Jurčyk. Sam jon budzie vykładać biełaruskim dzieciam kurs «Čałaviek i śviet».

Pa jaho słovach, z adkryćciom škoły byli finansavyja pytańni, jakija nie dazvolili ažyćciavić toje, što zadumvałasia pieršapačatkova. Isnujuć prablemy z padručnikami i inšymi školnymi dapamožnikami. Ale hetyja pieraškody pieraadolnyja, kaža Jurčyk.

Zaniatki ŭ biełaruskaj škole prachodziać u biełastockim centry hramadskaj aktyŭnaści na vulicy Śviatoha Rocha, 3. Hety asiarodak abstalavany ŭsim nieabchodnym dla navučańnia.

Takija ž filijały, jak u Biełastoku, źjavilisia sioleta ŭ Hdańsku i Krakavie.

Hladzicie taksama:

«26 tysiač biełarusaŭ vučacca ŭ polskich škołach. Ci buduć jany adčuvać u sabie biełaruskuju identyčnaść?»

U Mahilovie pajšli vučycca ŭ biełaruskamoŭny kłas tolki piać pieršakłaśnikaŭ

Biełaruskaja anłajn-škoła va Ukrainie napiaredadni navučalnaha hoda raspaviała, što ŭ ich adbyvajecca

Jakija pryvatnyja škoły ciapier pracujuć i kolki tam kaštuje navučańnie

Sabrać dzicia ŭ škołu: ceny paraŭnoŭvajuć baćki ŭ Biełarusi, Litvie i Polščy

Deputat Marzaluk vykazaŭsia za pazityŭnuju dyskryminacyju na karyść biełaruskaj movy. U častki łukašystaŭ pałychaje

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?