Fota: Ukrainskaja praŭda

Fota: Ukrainskaja praŭda

Słužba biaśpieki Ukrainy, Biuro ekanamičnaj biaśpieki i Ofis hienprakurora ŭručyli aliharchu Iharu Kałamojskamu padazreńnie pa niekalkich artykułach Kryminalnaha kodeksa. Pavodle danych krynic UP, havorka idzie pra artykuły 190 i 209 Kryminalnaha kodeksa: machlarstva i lehalizacyja (admyvańnie) majomaści, atrymanaj złačynnym šlacham, piša «Ukrainskaja praŭda».

«Padazreńnie» było ŭručanaje pry pieratrusie. Prakurory buduć chadajničać ab utrymańni pad vartaj z alternatyvaj zakładu, aryjencirovačnym da sumy strat.

Śpiecsłužba adznačaje: ustanoŭlena, što na praciahu 2013-2020 hadoŭ Ihar Kałamojski lehalizavaŭ bolš za paŭmiljarda hryŭniaŭ šlacham ich vyvadu za miažu, vykarystoŭvajučy pry hetym infrastrukturu padkantrolnych bankaŭskich ustanoŭ.

Dasudovaje rasśledavańnie pry pracesualnym kiraŭnictvie ofisa hienieralnaha prakurora praciahvajecca.

U lutym 2023 hoda Słužba biaśpieki Ukrainy i Biuro ekanamičnaj biaśpieki pravodzili pieratrus doma ŭ aliharcha Ihara Kałamojskaha ŭ Dniapry.

Tady było viadoma, što rasśledavańnie tyčycca machinacyj vakoł «Ukrtatnafty» i «Ukrnafty».

Čytajcie taksama:

Sustreču biełaruskaj apazicyi ŭ Rumynii arhanizoŭvaŭ palittechnołah, jaki raniej byŭ źviazany ŭ tym liku z Kałamojskim

Va Ukrainie nacyjanalizujuć pradpryjemstvy aliharchaŭ

Ukrainskaja presa: aliharch Ihar Kałamojski «kinuŭ» biełaruskaha biznesmiena Mikałaja Vierabja na $20 miljonaŭ

Клас
5
Панылы сорам
2
Ха-ха
3
Ого
1
Сумна
1
Абуральна
2