Zdymak ilustracyjny. Fota: Klaudia Radecka / NurPhoto via Getty Images

Zdymak ilustracyjny. Fota: Klaudia Radecka / NurPhoto via Getty Images

Uviečary aŭtorka, 29 žniŭnia, miascovaja palicyja atrymała paviedamleńnie ad kiroŭcy adnaho z aŭtamabilaŭ, što pa im była adkrytaja stralba.

Patrul spyniŭ Audi, na jakuju pakazaŭ paciarpieły. U mašynie byli hramadzianie Biełarusi, jakija žyvuć u Hdyni: 29-hadovy kiroŭca i 22-hadovy pasažyr. U aŭtamabili palicyjanty znajšli pnieŭmatyčnuju zbroju.

Akazałasia, što Ford i Audi jechali pa Hdyni ŭ adnym kirunku. U niejki momant kiroŭca Ford pajšoŭ na abhon. Zatym kiroŭca Audi nabliziŭsia da Ford, padmirhnuŭ jamu farami i abahnaŭ, a potym źniziŭ chutkaść i śpiecyjalna praciahvaŭ jechać pavolna.

Tady Ford znoŭ abahnaŭ Audi, ale biełaruski kiroŭca znoŭ vybiŭsia napierad i pačaŭ jeździć zihzahami, biespadstaŭna tarmazić, a zatym pasprabavaŭ vycieśnić Ford z darohi. Paśla hetaha na adnym sa skryžavańniaŭ pasažyr Audi vysunuŭsia z akna i dvojčy streliŭ u dźviercy Ford ź pnieŭmatyčnaj zbroi.

U hety momant kiroŭca Ford patelefanavaŭ pa numary ekstrannaj dapamohi. Vyśvietliłasia, što pasažyr Audi, jaki stralaŭ, dobra viadomy palicyjantam Sopata. U mai hetaha hoda jaho ŭžo zatrymlivali supracoŭniki darožnaj palicyi za parušeńnie sudovaj zabarony na kiravańnie aŭtamabilem: tady ŭ jaho ślinie vyjavili amfietamin. Akramia taho, akazałasia, što jaho šukaje prakuratura Katavicaŭ.

U vyniku pasažyru vystavili abvinavačańnie ŭ psavańni aŭtamabila Ford, škoda acenienaja ŭ 3 tysiačy złotych. 29-hadovaha kiroŭcu abvinavačvajuć u stvareńni pahrozy biaśpiecy darožnaha ruchu i niebiaśpieki dla kiroŭcy Ford.

Čytajcie taksama:

U Łodzi ahienctva pracaŭładkoŭvała biełarusaŭ, ale fiktyŭna

Žančyna sprabavała vyvieźci ź Biełarusi ŭ Polšču 60 tysiač dalaraŭ, nie dekłarujučy ich. Hrošy kanfiskavali i vypisali joj štraf

Hrupa nieviadomych źbiła biełarusa ŭ centry Biełastoka

Клас
7
Панылы сорам
17
Ха-ха
3
Ого
2
Сумна
0
Абуральна
16