Zdymak ilustracyjny. Fota: Nath Bunyapisitsopar / vecteezy.com

Zdymak ilustracyjny. Fota: Nath Bunyapisitsopar / vecteezy.com

Pa infarmacyi partała Space.com, niezvyčajny vyhlad naturalny spadarožnik Ziamli nabudzie ŭ noč na sieradu, 30 žniŭnia. Jak rastłumačyli śpiecyjalisty, hetaja poŭnia akažacca admietnaj adrazu ź niekalkich pryčyn.

Pa-pieršaje, 30 žniŭnia budzie nie prosta poŭnia, a tak zvany Błakitny Miesiac. Ale, niahledziačy na takuju nazvu, spadarožnik Ziamli nie budzie afarbavany ŭ sini abo błakitny koler. Takaja nazva abumoŭlenaja nie źmienaj koleru Miesiaca, a redkaściu samoj astranamičnaj źjavy.

Astranomy nazyvajuć błakitnaj kožnuju treciuju poŭniu z čatyroch u adnym astranamičnym siezonie albo druhuju poŭniu ŭ kalandarnym miesiacy. Takim čynam, heta nie niejkaja asablivaja astranamičnaja źjava, a ŭ bolšaj stupieni vynik nieadpaviednaści kalandarnaha hoda miesiacovamu.

Statystyčna Błakitny Miesiac — nie takaja ŭžo i redkaja astranamičnaja źjava. Jana zdarajecca kožnyja dva-try hady. Minuły Błakitny Miesiac možna było nazirać u žniŭni 2021 hoda, a nastupnaha pryjdziecca čakać da žniŭnia 2024-ha.

Druhoj charakternaj asablivaściu takoj poŭni budzie toje, što jana supadzie ź pieryhiejem — punktam arbity, kali spadarožnik nabližajecca da Ziamli na maksimalna blizkuju adlehłaść.

Takim čynam, Błakitny Miesiac budzie jašče i supierpoŭniaj, i dla naziralnikaŭ ź Ziamli jon budzie zdavacca prykładna na 7% bolšym i jarčejšym za zvyčajny.

Pa-treciaje, astranomy papiaredzili, što da budučaha Błakitnaha Miesiaca taksama dałučycca jarki kalcavy hazavy hihant Saturn. U krainach Paŭnočnaha paŭšarja, da jakich adnosicca i Biełaruś, ubačyć hetuju płanietu možna budzie, aryjentujučysia na zornym niebie na suzorje Vadaleja — krychu vyšej i praviej Miesiaca.

Niezvyčajnuju jarkaść Saturnu na zornym niebie nadaduć adbityja soniečnyja pramiani — 30 žniŭnia płanieta budzie raźmiaščacca prosta nasuprać Sonca.

Takim čynam, kali ŭmovy nadvorja buduć spryjalnymi, u biełarusaŭ źjavicca vydatnaja mahčymaść nie tolki panazirać za niezvyčajna jarkimi kaśmičnymi abjektami, ale i zrabić pryhožyja fota.

Čytajcie taksama:

U žniŭni žychary Ziamli pabačać dźvie supierpoŭni. Pieršaja — užo zaŭtra

«Kali heta nie samaja pryhožaja źjava na śviecie, to što tady jašče pryhažej?» FOTY paŭnočnaha źziańnia apublikavaŭ i sapraŭdny majstar fotaŭ zornaha nieba 

Źbity NASA z arbity asteroid pačaŭ kryšycca na častki. Ale heta było vielmi darahoje zadavalnieńnie

Клас
20
Панылы сорам
1
Ха-ха
2
Ого
2
Сумна
0
Абуральна
0