Vučeńni «Zachad-2021». Fota: Minabarony Biełarusi

Vučeńni «Zachad-2021». Fota: Minabarony Biełarusi

Z 2010 hoda Rasija ŭ ramkach čatyrochhadovaha cykła pravodzić vučeńni ŭ roznych rehijonach krainy. Apošnija vučeńni adbylisia ŭ 2021 hodzie. Tak jak rasijskaje vajskovaje kamandavańnie ličyć pryjarytetam supraćstajańnie pahrozie z boku NATA, to nastupnyja vučeńni pavinny byli prajści ŭžo ŭ 2023 hodzie.

Vučeńni «Zachad-2021» stali najbujniejšymi z savieckich časoŭ, adznačajecca ŭ štodzionnaj zvodcy Minabarony Vialikabrytanii.

Jak paviedamlajuć aŭtary zvodki, niezdavalniajučyja vyniki rasijskich vajskoŭcaŭ va Ukrainie pakazali, što stratehičnyja vučeńni majuć abmiežavanuju navučalnuju kaštoŭnaść i ŭ asnoŭnym nosiać pakazny charaktar. Mahčyma, Rasija skasavała vučeńni «Zachad-2023» praź niedastatkovuju kolkaść vojskaŭ i techniki, dastupnych dla ŭdziełu ŭ vučeńniach.

U jakaści jašče adnoj pryčyny mahčymaj admieny vučeńniaŭ Brytanskaja vajskovaja vyviedka nazyvaje krytyku ŭnutry Rasii praz praviadzieńnie takoha kštałtu vučeńniaŭ u vajenny čas.

Rasijska-biełaruskija vučeńni «Sajuznaja rašučaść» u 2022 hodzie zakončylisia rasijskim uvarvańniem va Ukrainu z terytoryi Biełarusi.

Клас
4
Панылы сорам
0
Ха-ха
15
Ого
0
Сумна
0
Абуральна
1