Viačasłaŭ Habazaŭ. Fota: Administracyja prezidenta Paŭdniovaj Asiecii

Viačasłaŭ Habazaŭ. Fota: Administracyja prezidenta Paŭdniovaj Asiecii

Paŭdniovaja Asiecija nacelenaja na ŭstupleńnie ŭ Sajuznuju dziaržavu Biełarusi i Rasii, mienavita tamu dla jaje tak važna pryznańnie respubliki Minskam, zajaviŭ dziarždaradca prezidenta Paŭdniovaj Asiecii Viačasłaŭ Habazaŭ RIA «Novosti».

Jon padkreśliŭ, što dla ich ustupleńnie ŭ Sajuznuju dziaržavu jość adnym z pryjarytetaŭ.

«Tamu my havorym pra važnaść pryznańnia nas Biełaruśsiu, heta adkryje darohu ŭ Sajuznuju dziaržavu i novyja haryzonty dla respubliki», — padkreśliŭ Habazaŭ.

Na hety momant niezaležnaść Abchazii i Paŭdniovaj Asiecii pryznali tolki Rasija, Vieniesueła, Nikarahua, Nauru i Siryja, a taksama takija ž niepryznanyja krainy, jak Nahorny Karabach i Prydniastroŭje. U 2006 hodzie Paŭdniovaja Asiecija i Abchazija pryznali niezaležnaść adno adnaho.

Alaksandr Łukašenka jašče ŭ 2008 hodzie zajaŭlaŭ, što ŭ vypadku adabreńnia parłamientam prośbaŭ Paŭdniovaj Asiecii i Abchazii ab pryznańni niezaležnaści jon hatovy padpisać adpaviedny dakumient, ale sprava tak i nie zrušyłasia, praŭda, u vieraśni 2022 hoda Łukašenka naviedaŭ Abchaziju.

U lipieni hetaha hoda stała viadoma, što Paŭdniovaja Asiecija źbirajecca znoŭ paprasić Biełaruś ab pryznańni jaje niezaležnaści.

U pryvatnaści, kiraŭnik parłamienckaha Kamiteta ekanomiki, małoha pradprymalnictva i sielskaj haspadarki častkova pryznanaj dziaržavy Ałan Techaŭ prapanavaŭ, kab zakanadaŭčy orhan Paŭdniovaj Asiecii aficyjna źviarnuŭsia da biełaruskaha parłamienta z prośbaj ab pryznańni.

Čytajcie taksama:

Hetaje niepryznanaje dziaržaŭnaje ŭtvareńnie źbirajecca źviarnucca da aficyjnaha Minska z prośbaj ab pryznańni

Pucin pavinšavaŭ kiraŭnikoŭ krain SND z Dniom Pieramohi. Aproč adnoj krainy

Kiroŭnaja partyja Hruzii suprać sankcyj adnosna Łukašenki za vizit u Minsk kiraŭnika Abchazii. Chopić i zajavy MZS

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?