Police Handout

Police Handout

Brytanski sud prysiažnych pryznaŭ miedsiastru Lusi Letbi vinavataj u zabojstvie siami niemaŭlat, piša Bi-bi-si.

Jana zabivała novanarodžanych, uvodziačy im pavietra šprycom, z červienia 2015 pa červień 2016 hoda, kali pracavała ŭ balnicy hrafini Česterskaj (asnoŭnaja balnica Nacyjanalnaj słužby achovy zdaroŭja ŭ hrafstvie Čester).

Letbi taksama była pryznanaja vinavataj u sprobie zabojstva jašče šaści niemaŭlat u nieanatalnym adździaleńni balnicy z vykarystańniem takich mietadaŭ, jak naŭmysnaje ŭviadzieńnie im pavietra, pierakormlivańnie i atručvańnie insulinam.

Prysiažnyja nie zmahli vynieści vierdyktu ŭ dačynieńni da jašče šaści abvinavačańniaŭ, jakija adnosiacca da sprob zabojstva niemaŭlat. Prakurory paprasili 28 dzion, kab vyrašyć, ci buduć jany damahacca paŭtornaha sudovaha razboru pa hetych punktach.

Mančesterski sud pavinien vynieści prysud Letbi 21 žniŭnia.

Viadučy kansultant nieanatalnaha adździaleńnia, dzie pracavała Lusi Letbi, raspavioŭ Bi-bi-si, što kiraŭnictva balnicy svoječasova nie rasśledavała abvinavačvańni ŭ adras miedsiastry i sprabavała prymusić daktaroŭ maŭčać.

Čytajcie taksama:

Fatalny abied. Zahadkavaja śmierć siamji ŭskałychnuła cełuju krainu

U Karelii zarezali šeść čałaviek, a paśla cieły spalili

Z kiprskaj turmy vyzvalili brytanca, jaki zabiŭ śmiarotna chvoruju žonku

Клас
1
Панылы сорам
5
Ха-ха
0
Ого
4
Сумна
3
Абуральна
13