Fota: «Naša Niva»

Fota: «Naša Niva»

Žychar Mahiloŭskaj vobłaści z maja 2021-ha pavinien byŭ płacić alimienty na ŭtrymańnie piaciarych dziaciej — 50% ad usich zarobkaŭ. A da červienia 2023-ha ŭ jaho ŭtvaryłasia zapazyčanaść, bolšaja za 16 tysiač, paviedamlaje Tochka.by.

Za heta biełaruskaje zakanadaŭstva praduhledžvaje kryminalnuju adkaznaść.

Adpaviednyja orhany pačali raźbiracca ŭ situacyi. Tady mužčyna zajaviŭ pra svaje sumnievy ŭ tym, što troje małodšych dziaciej jamu rodnyja. Choć małyja i nosiać jaho proźvišča i imia pa baćku.

Kab jaho zajava nie zastałasia hałasłoŭnaj, pryznačyli sudovuju hienietyčnuju ekśpiertyzu.

«Daśledavaŭšy bijałahičnyja ŭzory traich dziaciej i mužčyny, dziaržaŭnyja miedycynskija sudovyja ekśpierty-bijołahi vyklučyli bijałahičnaje baćkoŭstva apošniaha ŭ adnosinach da ŭkazanych dziaciej», — adznačyła aficyjnaja pradstaŭnica ŭpraŭleńnia DKSE Mahiloŭskaj vobłaści Iryna Račkoŭskaja.

Ciapier užo niešmatdzietnamu baćku treba asprečyć baćkoŭstva ŭ sudovym paradku.

Клас
20
Панылы сорам
42
Ха-ха
64
Ого
19
Сумна
10
Абуральна
5