Naftapravod «Družba». Fota: AP Photo/Sven Kaestner, File

Naftapravod «Družba». Fota: AP Photo/Sven Kaestner, File

Na miescy zdareńnia znachodziacca pažarnaja achova i avaryjna-vyratavalnaja słužby PERN, jakija zabiaśpiečvajuć biaśpieku terytoryi. Paśla zaviaršeńnia apieracyi pa adnaŭleńni paškodžanaj nitki płanujecca pravieści rekultyvacyju terytoryi, kab viarnuć jaje ŭ pieršapačatkovy stan. Śpiecyjalisty kampanii rasśledujuć pryčyny ŭciečki nafty.

Apieratar zapeŭniŭ, što astatnija elemienty infrastruktury PERN, uklučajučy toj učastak, jaki adkazvaje za transparciroŭku syroj nafty z Samarskaj vobłaści ŭ Polšču i Hiermaniju, praciahvajuć pracavać u štatnym režymie.

Trubapravod «Družba», pabudavany ŭ 1960-ch hadach, maje stratehičnaje značeńnie dla transparciroŭki nafty z Rasii ŭ krainy Uschodniaj Jeŭropy. Jaho paŭnočnaja halinka idzie praź Biełaruś i zabiaśpiečvaje pastaŭki Hiermanii i Polščy, a paŭdniovaja — praz Ukrainu dastaŭlaje syravinu ŭ Vienhryju, Słavakiju i Čechiju.

«Družbu» nie zakranuła embarha Jeŭrasajuza na pastaŭki rasijskaj nafty, jakoje ŭstupiła ŭ siłu 5 śniežnia 2022 hoda. Pry hetym Hiermanija i Polšča nieadnarazova zajaŭlali pra žadańnie ŭvohule admovicca ad pastavak rasijskaj nafty. Varšava asobna zaklikała ŭvieści sankcyi ŭ dačynieńni da «Družby».

Čytajcie taksama:

Biełaruś i Rasija pakul nie damovilisia ab roście taryfu na tranzit nafty

Jeŭrasajuz prapanavaŭ spynić pastaŭki rasijskaj nafty pa naftapravodzie «Družba» ŭ Hiermaniju i Polšču

U novym pakiecie sankcyj ES nie budzie atamnaj haliny, rasijskich ałmazaŭ i naftapravoda «Družba»

Клас
1
Панылы сорам
2
Ха-ха
0
Ого
1
Сумна
0
Абуральна
2