Ilustracyjny zdymak. Fota: telehram-kanał «Varšavka Hranica Briest-Tieriespol»

Ilustracyjny zdymak. Fota: telehram-kanał «Varšavka Hranica Briest-Tieriespol»

31 lipienia Łukašenka padpisaŭ Ukaz № 240 «Ab mižnarodnym aŭtastrachavańni». Unosić źmieny ŭ biełaruskaje zakanadaŭstva daviałosia praz toje, što z 1 červienia 2023 hoda bolš za 30 jeŭrapiejskich krain spynili ŭzajemaadnosiny ź Biełaruśsiu ŭ mižnarodnaj sistemie strachavańnia hramadzianskaj adkaznaści ŭładalnikaŭ transpartnych srodkaŭ «Zialonaja karta».

Tym nie mienš, zhodna ź biełaruskim zakanadaŭstvam, u śpisie dakumientaŭ, nieabchodnych dla vyjezdu za miažu na transpartnych srodkach, zarehistravanych u Biełarusi, značyłasia «Zialonaja karta», jakaja musiła być vypisana mienavita adnoj ź biełaruskich strachavych kampanij. Vyjechać za miažu z polskaj ci litoŭskaj było niamožna.

De-fakta biełaruskija pamiežniki pierastali patrabavać hety dakumient jašče z 17 maja, kali biełaruskija strachoŭščyki prypynili afarmleńnie polisaŭ, ale de-jure takoje patrabavańnie zastavałasia. Ciapier jaho aficyjna prybrali ŭ zakonie.

«Ukazam praduhledžvajecca skasavańnie dla biełaruskich aŭtaŭładalnikaŭ (kiroŭcaŭ) abaviazku pradjaŭleńnia strachavoha siertyfikata, jaki śviedčyć pra zaklučeńnie damovy strachavańnia «Zialonaja karta», pry vyjeździe z terytoryi Biełarusi», — havorycca ŭ tekście ŭkaza.

Aproč hetaha biełaruskamu biuro pa transpartnym strachavańni byli nadadzieny paŭnamoctvy na ŭdzieł ad imia Biełarusi ŭ mižnarodnych sistemach strachavańnia (inšych, čym «Zialonaja karta»), a taksama na zaklučeńnie pahadnieńniaŭ ab supracoŭnictvie ŭ halinie abaviazkovaha strachavańnia hramadzianskaj adkaznaści ŭładalnikaŭ transpartnych srodkaŭ.

Čytajcie taksama:

Strachoŭki dla ŭjezdu ŭ ES istotna padaraželi, a nabyć ich pa-raniejšamu składana. Novyja ceny i niuansy

«Aŭtamabilnyja strachoŭki paciahnuli na 250 jeŭra». Biełarusy pajechali ŭ adpačynak u Čarnahoryju i ŭlacieli ŭ kapieječku

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?