Dzianis Ivašyn. Fota: Radyjo Svaboda

Dzianis Ivašyn. Fota: Radyjo Svaboda

«Dzień siońnia zranku vydaŭsia cudoŭnym. Pačaŭsia jon z… niečakanaha telefanavańnia Dzianisa Ivašyna! My zdoleli parazmaŭlać usiaho paru chvilinaŭ praz techničnyja składanaści z majho boku. Ale ž Dzianis paśpieŭ pavinšavać mianie z zaŭtrašnimi ŭhodkami našaha šlubu i skazać, što ja — usio samaje darahoje i važnaje ŭ jaho žyćci! Ja paśpieła jašče raz jaho pavinšavać z narodzinami, bo majho vinšavalnaha lista Dzianis pakul nie atrymaŭ».

Pakolki suviaź pierarvałasia, a na telefanavańnie luby viazień hetaj turmy maje da 15 chvilin, supracoŭniki administracyi dazvolili Dzianisu patelefanavać druhi raz, i jon źviazaŭsia z maci.

«Takim čynam my daviedalisia, što Dzianis, kali ŭsio ź im budzie ŭ paradku, zmoža telefanavać nam raz na miesiac. Spadziajemsia, što tak i budzie dalej. A Dzianis, miarkuju, byŭ vielmi ŭdziačny administracyi za samu mahčymaść patelefanavać, bo jon byŭ etapavany ŭ Žodzina ŭžo paśla raźmierkavańnia čarhovaści i musiŭ by čakać jašče miesiac, a tut zmoh pavinšavać mianie i parazmaŭlać z maci. Hołas u Dzianisa byŭ, jak zvyčajna, aptymistyčny i bajavy, jak i jahony nastroj. Jon daviedaŭsia troški navinaŭ pra nas, pra svajho abaroncu dy našaje lecišča, to, peŭna, zastaŭsia zadavoleny. A dla mianie było z roha ŭsiaho mnoha dobraha za siońnia: pa abiedzie jašče dajšoŭ list №46 z čamuści zamalavanaj dataj i ŭ im dadatkovaja pryhožaja paštovačka. Ale nie ŭsio adrazu, budu patroški dzialicca z vami svaimi skarbami», — dadała Volha Ivašyna.

Клас
5
Панылы сорам
0
Ха-ха
0
Ого
1
Сумна
1
Абуральна
0