Jak piša vydańnie, pieršyja aŭtamabili źjavilisia na spadarožnikavych zdymkach, datavanych čaćviarhom. Hruzaviki i inšyja typy aŭtamabilaŭ prybyli ŭ subotu i niadzielu. Na zdymkach možna razhledzieć pikapy i UAZy. Mašyny takoha ž typu byli zaŭvažnyja na videazapisach ruchu kałon «vahnieraŭcaŭ».

Vydańnie adznačaje, što ciažka vyznačyć dakładna, jakaja kolkaść «vahnieraŭcaŭ» prybyła ŭ łahier.

Na minułym tydni Minabarony Biełarusi zajaviła, što ŭ łahiery kala palihona pad Asipovičami prachodziać zaniatki z terytaryjalnymi vojskami, u jakich taksama biaruć udzieł bajcy PVK «Vahnier».

Zdymak ad 14 lipienia nie źmiaščaje prykmiet vialikaj aktyŭnaści. Fota: Maxar

Zdymak ad 14 lipienia nie źmiaščaje prykmiet vialikaj aktyŭnaści. Fota: Maxar

Na zdymku, zroblenym u niadzielu 16 lipienia, bačny dziasiatak hruzavikoŭ. Fota: Maxar

Na zdymku, zroblenym u niadzielu 16 lipienia, bačny dziasiatak hruzavikoŭ. Fota: Maxar

15 lipienia pastupili paviedamleńni, što ŭ Biełaruś stali pryjazdžać rasijskija najmity z PVK «Vahnier». 

U Dziarždumie Rasii ŭčora zajavili, što PVK «Vahnier» patrebnaja ŭ Biełarusi dla budučaha zachopu Suvałkskaha kalidora. Krainy-susiedzi adreahavali na pieramiaščeńni vahnieraŭcaŭ spakojna: sočać, ale ekstrannych mier nie prymajuć. 

Клас
1
Панылы сорам
4
Ха-ха
0
Ого
1
Сумна
0
Абуральна
11