Fota: South Korea National Fire Agency via AP

 Fota: South Korea National Fire Agency via AP

U pastcy ŭ tuneli daŭžynioj 685 mietraŭ apynulisia 15 aŭtamabilaŭ. Kolki ŭsiaho tam znachodzicca ludziej, nieviadoma.

Praliŭnyja daždžy vyklikali pavodki, apoŭźni i adklučeńni elektraenierhii na bolšaj častcy Paŭdniovaj Karei.

Na hety momant sama mieniej 33 čałavieki ličacca zahinułymi, 10 — źnikłymi bieź viestak.

Tunel u Asonie, niedaloka ad horada Čchondžu ŭ centralnaj pravincyi Paŭnočny Čchunčchon, byŭ chutka zatopleny paśla taho, jak raka vyjšła ź bierahoŭ. Kiroŭcy i pasažyry nie paśpieli vybracca.

U subotu ŭdałosia vyratavać dzieviać čałaviek, los astatnich pakul nieviadomy.

U subotu ŭ Paŭdniovaj Karei vypała amal 300 mm apadkaŭ.

Na aerafotazdymkach z paciarpiełych ad pavodki rajonaŭ z-pad vady i brudu bačnyja tolki vierchaviny dachaŭ.

Pa ŭsioj krainie prypynienyja čyhunačnyja znosiny, za vyklučeńniem niekatorych maršrutaŭ z vysakachutkasnymi ciahnikami.

Karejskaje mietearałahičnaje ŭpraŭleńnie prahnazuje pavieličeńnie kolkaści apadkaŭ i papiaredžvaje ab surjoznaj niebiaśpiecy praz nadvorje.

Клас
0
Панылы сорам
0
Ха-ха
0
Ого
0
Сумна
24
Абуральна
0