Aleh Cokaŭ. Fota: TASS

Aleh Cokaŭ. Fota: TASS

Rasija, jak vyhladaje, straciła jašče adnaho pradstaŭnika vyšejšaha kamandnaha składu padčas vajny va Ukrainie. U vyniku ŭdaru pa zapasnym kamandnym punkcie 58-j armii ŭ Biardziansku zahinuŭ namieśnik kamandujučaha Paŭdniovaj vajskovaj akruhaj hienierał-lejtenant Aleh Cokaŭ.

Pra śmierć hienierała hetym razam paviedamlajuć nie tolki ŭkrainskija telehram-kanały, jakija ŭžo «pachavali» jaho ŭ vieraśni 2022 hoda, ale i rasijskija vajenkary.

Adzin ź ich, jaki piša pad psieŭdanimam Rybar, adznačaje prablemy rasijskaj armii z abaronaj ad ukrainskaj raźviedki. Pavodle jaho, pra toje miesca, dzie «spyniŭsia na adpačynak tavaryš hienierał», viedali miascovyja žychary, jakija pieradali infarmacyju ŭkrainskamu boku. Da taho ž «pa abjektach, jakija znachodziacca ŭ tyle ŭ Zaparožskaj i Chiersonskaj abłaściach, sistematyčna viadziecca kaśmičnaja raźviedka… Pra heta ŭsim dakładvajecca. U zvodkach pra heta pišuć. Pa inšych linijach paviedamlajuć. Rekamiendujuć zaścierahać siabie. A atrymlivajecca jak atrymlivajecca».

Aleh Cokaŭ udzielničaŭ va ŭvarvańni Rasii va Ukrainu 24 lutaha 2022 hoda, a taksama byŭ datyčny da naniasieńnia rakietnych udaraŭ pa ŭkrainskich haradach. U kastryčniku 2022 hoda Kijeŭ uvioŭ suprać jaho sankcyi. Da vajny va Ukrainie Cokaŭ braŭ udzieł u dźviuch čačenskich vojnach i bajavych dziejańniach u Siryi. Jon byŭ uznaharodžany dvuma ordenami Mužnaści i ordenam «Za vajennyja zasłuhi».

Da pačatku kontrnastupleńnia Ukrainy 4 červienia była paćvierdžana hibiel čatyroch rasijskich hienierałaŭ, 58 pałkoŭnikaŭ, 176 padpałkoŭnikaŭ.

Čytajcie taksama:

Pa akupavanym Biardziansku nanieśli rakietny ŭdar

Ukraincy za piać tydniaŭ vyzvalili amal stolki terytoryi, kolki rasijanie zachapili za paŭhoda

Žurnalistam udałosia dakładna acanić straty Rasii padčas poŭnamaštabnaj vajny z Ukrainaj

Клас
76
Панылы сорам
1
Ха-ха
5
Ого
1
Сумна
5
Абуральна
8