Fota: Francisco Seco / AP

Fota: Francisco Seco / AP

«My šanujem našych sajuźnikaŭ. My cenim našu ahulnuju biaśpieku. I my zaŭsiody cenim ščyruju razmovu. Ukraina budzie prysutničać u Vilni na samicie NATA, bo heta — pavaha. Ale Ukraina taksama zasłuhoŭvaje pavahi. Ciapier, na šlachu ŭ Vilniu, my atrymali sihnały, što abmiarkoŭvajucca farmuloŭki biez Ukrainy. I ja chaču padkreślić: heta farmuloŭka tolki na zaprašeńnie, a nie na siabroŭstva Ukrainy. Biesprecedentna i absurdna, kali niama nijakich časavych ramak i dla zaprašeńnia, i dla siabroŭstva Ukrainy; i kali zamiest hetaha dadajecca niejkaja dziŭnaja farmuloŭka pra «ŭmovy» navat dla zaprašeńnia Ukrainy…» — napisaŭ Zialenski ŭ svaim telehram-kanale.

Jon miarkuje, što ciapier u Aljansu niama hatoŭnaści ni zaprasić Ukrainu ŭ NATA, ni zrabić jaje čalcom Aljansu. A značyć, zastajecca mahčymaść tarhavacca siabroŭstvam Ukrainy ŭ NATA ŭ pieramovach z Rasijaj.

«A dla Rasii heta aznačaje matyvacyju i dalej praciahvać svoj teror. Niavyznačanaść — heta słabaść. I ja adkryta abmiarkuju heta na samicie», — padsumavaŭ prezident Ukrainy.

Клас
90
Панылы сорам
8
Ха-ха
3
Ого
3
Сумна
1
Абуральна
4