U čakańni Džo Bajdena pierad prezidenckim pałacam u Vilni. Fota: AP Photo / Susan Walsh

U čakańni Džo Bajdena pierad prezidenckim pałacam u Vilni. Fota: AP Photo / Susan Walsh

U Vilniu prybyvaje bolš za try tysiačy členaŭ zamiežnych delehacyj, kala dźviuch tysiač pradstaŭnikoŭ niaŭradavych arhanizacyj i mižnarodnych miedyja. Na paradku dnia lidaraŭ Aljansu — uvaha da pytańniaŭ kalektyŭnaj abarony NATA, uzmacnieńnia strymlivańnia i padtrymki Ukrainy, piša Delfi.lt.

Na Vilenskim samicie Ukraina spadziajecca atrymać vyrazny sihnał adnosna pierśpiektyvy jaje siabroŭstva ŭ NATO. Adnak lidary zachodnich krain i Aljansu adznačajuć, što ŭ suviazi z rasijskaj vajnoj va Ukrainie pytańnie ab jaje siabroŭstvie nie moža abmiarkoŭvacca. 

Členy Aljansu majuć namier taksama damovicca ab pavieličeńni asihnavańniaŭ na abaronny siektar. Ciapier krainy kirujucca Valijskim pahadnieńniem 2014 h., jakoje praduhledžvaje imknieńnie krain NATA da 2024 hoda pavialičyć vydatki na nacyjanalnuju abaronu nie mienš čym da dvuch pracentaŭ vałavoha ŭnutranaha praduktu (VUP).

Na Vilenskim samicie płanujecca damovicca, što dva pracenty VUP budzie minimalnym paroham — tak zvanaj «padłohaj». Kiraŭniki krain NATA taksama majuć namier damovicca ab nieabchodnaści nadavać bolš uvahi ŭschodniamu fłanhu Aljansu i ŭmacoŭvać pieradavyja siły NATA, supraćpavietranuju i supraćrakietnuju abaronu. 

Čytajcie taksama:

Čaho čakaje Ukraina ad samitu NATA ŭ Vilni?

«NATO pieratvaryła Vilniu ŭ krepaść». Aljans umacoŭvaje miažu ź Biełaruśsiu pierad samitam u stalicy Litvy

Клас
5
Панылы сорам
0
Ха-ха
0
Ого
0
Сумна
0
Абуральна
0