Alina atrymała pa 100 bałaŭ na centralizavanym ekzamienie pa anhlijskaj i ruskaj movach, a taksama pakazała najvyšejšy vynik CT pa hramadaznaŭstvie. Z ulikam atestata ŭ jaje abituryjenckaj skarboncy zapavietnyja 400 bałaŭ, paviedamlaje Ministerstva adukacyi sa spasyłkaj na «Sielskuju hazietu».

Fota: sacsietki

Fota: sacsietki

Za pośpiecham školnicy ź nievialikaha rajcentra, jak vyśvietlili, — pravilna pastaŭlenaja meta, matyvacyja, nastojlivaja praca. Pierad vyprabavańniami, jak uspaminaje Alina, jana starałasia dobra vyspacca i nastroicca na pracu.

«Vyniki pa movach nie stali niečakanaściu — pastajanna ŭdzielničała ŭ alimpijadach pa anhlijskaj i ruskaj, tamu viedy hruntoŭnyja. A voś vynikovaja ličba pa hramadaznaŭstvie vyklikała asablivyja emocyi, bo na repietycyjnym CT bał byŭ 58. Tady zrabiła adpaviednyja vysnovy i stała vučyć lepš. Vielmi ščaślivaja, što zmahła nabrać maksimalnuju kolkaść bałaŭ!» — kaža jana.

Raniej stała viadoma, što maksimalnyja 400 bałaŭ na testavańni nabrali Mark Mackievič z Navapołacka, Palina Dyčak ź Lidy, Volha Druščyc z Žabinkaŭskaha rajona, Milena Vaśko z Mazyra, Dzianis Kahukin z Połacka i Raman Kandracienia z Hancavič.

Клас
7
Панылы сорам
0
Ха-ха
1
Ого
0
Сумна
0
Абуральна
0