Prezident Kazachstana Nursułtan Nazarbajeŭ 25 listapada prybyŭ u Minsk z aficyjnym dvuchdzionnym vizitam.

Čakajecca, što siońnia ŭviečary Nazarbajeŭ sustreniecca z Alaksandram Łukašenkam.

Pavodle infarmacyi pasolstva Kazachstana ŭ Minsku, 26 listapada Nazarbajeŭ płanuje sustrecca z Łukašenkam ŭ vuzkim farmacie. Zatym pieramovy buduć praciahvacca ŭ pašyranym składzie. Pavodle vynikaŭ pasiadžeńnia čakajecca padpisańnie šerahu dvuchbakovych dakumientaŭ, u tym liku sumiesnaj zajavy kiraŭnikoŭ dziaržaŭ ab supracoŭnictvie, pahadnieńnia ab vytvorčaj i navukova-techničnaj kaapieracyi, pahadnieńnia pamiž ministerstvami finansaŭ dźviuch krain ab finansavym uzajemadziejańni.

Akramia taho, płanujecca padpisać płan mierapryjemstvaŭ pa supracoŭnictvie Biełarusi i Kazachstana na 2010—2011 hady.

Jak paviedamlaje kazachstanskaje dziaržaŭnaje ahienctva Kazinform, Nazarbajeŭ uskładzie kvietki da manumienta Pieramohi ŭ Minsku, sustreniecca z kiraŭnictvam BiełAZa, «Lidsielmaša». Uviečary 26 listapada jon voźmie ŭdzieł u pracy samita infarmacyjna-kamunikacyjnych technałohij «Złučym prastoru SND». Akramia prezidentaŭ Biełarusi i Kazachstana ŭ samicie voźmuć udzieł kiraŭniki Armienii, Kyrhyzstana i Tadžykistana.

24 listapada na pres-kanfierencyi, pryśviečanaj vizitu Nazarbajeva, pasoł Kazachstana ŭ Biełarusi Anatol Śmirnoŭ zajaviŭ: «Kazachstan i Biełaruś — stratehičnyja partniory. Dziaržavy źviazvajuć ciesnyja adnosiny jak u miežach mižnarodnych struktur, tak i ŭ dvuchbakovym supracoŭnictvie». Pavodle słoŭ dypłamata, vizit Nursułtana Nazarbajeva nadaść novy impuls raźvićciu dvuchbakovych adnosin va ŭsich śfierach.

27 listapada Nazarbajeŭ voźmie ŭdzieł u samicie JeŭrAzES (Biełaruś, Kazachstan, Kyrhyzstan, Rasija, Tadžykistan, Uźbiekistan), krain mytnaha sajuza (Biełaruś, Kazachstan, Rasija).

Jak paviedamlałasia raniej, lidery troch krain majuć namier abmierkavać pytańni farmiravańnia mytnaha sajuza i ŭ pierśpiektyvie — adzinaj ekanamičnaj prastory. Pavodle vynikaŭ sustrečy płanujecca padpisańnie dakumientaŭ, jakija pavinny pakłaści pačatak funkcyjanavańniu mytnaha sajuza troch dziaržaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?