Ilustracyjnaje fota «Naša Niva»

Ilustracyjnaje fota «Naša Niva»

Žurnalistka Tochka.by daviedałasia ŭ dyjetołaha-nutrycyjołaha Marty Marudavaj, ci tak lohka chudnieć na čarešni i jak pravilna ŭpisać u racyjon hetuju sałodkuju jahadu.

Čym karysnaja čarešnia?

Jak i ŭsie jahady, čarešnia — sapraŭdnaja skarbnica karysnych vitaminaŭ, mikra— i makraelemientaŭ. U joj šmat arhaničnych kisłot i vitamina S (źjasi 100 hram — i pakryješ piatuju častku sutačnaj patrebnaści ŭ hetym vitaminie).

U čarešni jość žaleza, jod, kalij, kalcyj i mahnij, tamu jana tak karysnaja dla imunitetu, a jašče dapamahaje vyvodzić lišniuju vadkaść z arhanizmu, zapuskaje pracesy tłuščaspaleńnia, pazityŭna ŭpłyvaje na pamiać i son.

Akramia taho, jahada maje adnosna nizkuju kałaryjnaść — usiaho 52 kkał na 100 hram. Ale ŭ joj taksama šmat i cukru (fruktoza, hlukoza) — 11 hram vuhlavodaŭ na 100 hram, što taksama niamała.

Jež i chudziej?

Mała chto zmoža admovicca ad sakavitaj i saśpiełaj čarešni ŭ samy razhar siezonu. Ale abjadacca takimi vitaminnymi jahadami taksama varta z aściarožnaściu, kali vy kłapociciesia pra fihuru. Jak i mnohija inšyja jahady, čarešnia taksama niasie pahrozu dla strojnaj talii. I voś čamu.

Chiba vy abmiažoŭvali siabie tolki žmieńkaj saśpiełych čarešanak, kali tak udała prykupili kiłahram-druhi sakavitych bardovych jahad? Chočacca źjeści adrazu ŭsio, kali jašče dačakajemsia nastupnaha siezona?

A miž inšym u kiłahramie čarešni źmiaščajecca ŭžo bolš za 500 kałoryj — bolš, čym było b pry narmalnym pryjomie ježy.

A paŭnavartasna pajeści zachočacca vielmi chutka.

«Kisły prysmak jahad paśla ich pryjomu prymušaje jeści bolš i pierajadać, tamu zapomnicie załatoje praviła pahłynańnia čarešni i inšych letnich łasunkaŭ: tolki ŭ kancy asnoŭnaha pryjomu ježy abo ŭ składzie stravy. Kali dumajecie pra tonkuju taliju, nie zabyvajcie, što jahada — heta desiert, niapravilna jeści stolki, kolki ŭlezie», — kaža Marta Marudava.

Tamu lepš za ŭsio raściahnuć kiłahram čarešni na niekalki pryjomaŭ ježy: pajeŭ — na desiert 100-200 hram jahad. I smačna, i dla fihury nie škodna.

Jak pravilna zamarozić čarešniu?

Kali jahad najeŭsia dastatkova i chočacca paradavać siabie jašče i zimoj, lepš nie rabić ź ich vareńnie — nie pieratvarać karyść u lišnija kałoryi i vuhlavody. A zamarozić! Voś pakrokavaja instrukcyja, jak heta zrabić biez straty vitaminaŭ:

  • Pierabirajem jahady, myjem;
  • abaviazkova prasušyć ich na papiarovym abo vaflevym ručniku;
  • spačatku vykładvajem jahady na talerku i stavim ich u ladoŭniu na paru hadzin;
  • kali jahady zaćviardzieli, pierakładajem ich u kantejnier abo śpiecyjalny pakiet dla zamarozki.

Važna: potym razmarožvać jahady nie pry pakajovaj tempieratury, a ŭ chaładzilniku. Tak zachavajucca karysnyja rečyvy i nie źjaviacca chvarobatvornyja mikraarhanizmy.

U ladoŭni jahady mohuć zachoŭvacca da 6-10 miesiacaŭ pry tempieratury ad -6°C da -10 °C. Možna adrazu pryhatavać jahadnaje piure, uźbiŭšy ich u błendary i zamaroziŭšy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?