Redžep Taip Erdahan (źleva) i Kiemal Kyłyčdarohłu (sprava) na biuleteni padčas prezidenckich vybaraŭ u Turcyi. Fota: Emrah Gurel / AP

Redžep Taip Erdahan (źleva) i Kiemal Kyłyčdarohłu (sprava) na biuleteni padčas prezidenckich vybaraŭ u Turcyi. Fota: Emrah Gurel / AP

Asnoŭny kandydat ad apazicyi i hałoŭny supiernik Redžepa Taipa Erdahana na niadaŭnich prezidenckich vybarach u Turcyi Kiemal Kyłyčdarohłu moža patrapić u turmu praz 28 iskaŭ, u bolšaści svajoj padadzienych suprać jaho ŭ sud samim Erdahanam.

Pra heta 22 červienia paviedamiła tureckaje vydańnie Cumhuriyet.

Iski, padadzienyja Erdahanam suprać Kyłyčdarohłu, datujucca nie tolki hetym, ale jašče i papiarednimi hadami. U asnoŭnym hetyja abvinavačańni tyčacca «paklopaŭ, chłuśni i krytyki» na adras prezidenta Turcyi. Taksama jość abvinavačańni ŭ karupcyi i pieravyšeńni paŭnamoctvaŭ.

Pavodle vydańnia, dziejny prezident Turcyi Erdahan, jaki ŭ minułym miesiacy zdoleŭ pieramahčy na ​​vybarach u druhim tury, ciapier choča skarystacca situacyjaj i «abiasškodzić» svajho hałoŭnaha supiernika, bo ŭ taho ciapier paśla vybaraŭ niama deputackaj niedatykalnaści.

«Bolšaść z 28 iskaŭ, zarehistravanych suprać apazicyjnaha palityka, byli ŭ roznyja hady padadzienyja asabista Erdahanam. Pakolki Kyłyčdarohłu prajhraŭ vybary i pa zakonie adnačasova nie moh razam z hetym być kandydatam u deputaty parłamienta, to ciapier u jaho niama deputackaj niedatykalnaści i jaho možna pryciahnuć da kryminalnaj adkaznaści. Za ŭsie iski palityku sumarna pahražaje da 110 hadoŭ pazbaŭleńnia voli», — piša vydańnie Cumhuriyet.

Pry hetym, jak zapeŭnivaje advakat Kyłyčdarohłu, ryzyka pieratvareńnia hetych iskaŭ u realnyja kryminalnyja spravy nizkaja, adnak, «uličvajučy palityzavanaść sudoŭ u Turcyi, čakać možna čaho zaŭhodna».

Čytajcie taksama:

Łukašenka zajaviŭ, što «vybary ŭ Biełarusi projduć sumlenna, nie jak u ZŠA»

Bajden miakka paraiŭ Erdahanu nie błakavać ustupleńnie Šviecyi ŭ NATO

Tramp moža vyratavać siabie ad turmy, kali vyjhraje vybary — ŚMI

Клас
3
Панылы сорам
8
Ха-ха
0
Ого
1
Сумна
2
Абуральна
24

Chočaš padzialicca važnaj infarmacyjaj ananimna i kanfidencyjna?