Pavodle Pucina, dakumient składaŭsia z 18 artykułaŭ, a ŭ dadatku nibyta byŭ vyznačany maksimalny pamier ukrainskaj armii. Taksama ŭ im byli paznačanyja ŭ jakaści harantaŭ biaśpieki dla Ukrainy Vialikabrytanija, Kitaj, ZŠA, Turcyja, Francyja i Biełaruś.

Na stambulskich pieramovach nibyta taksama abmiarkoŭvałasia kolkaść asabovaha składu i ŭzbrajeńniaŭ Uzbrojenych sił Ukrainy. Tut rasijskija i ŭkrainskija pazicyi adroźnivajucca ŭ razy.

Na tytulnym liście paznačana, što prajekt składzieny pa stanie na 13 krasavika — praz dva tydni paśla adstupleńnia rasijskich vojskaŭ z-pad Kijeva. Inšymi słovami, jano dakładna nie adbyłosia ŭ ramkach hetaj damovy.

Taksama heta zdaryłasia ŭžo paśla taho, jak stała viadoma pra masavyja zabojstvy mirnych žycharoŭ u Bučy (Rasija ich nazyvaje fejkam i admaŭlaje), što Ukraina nazvała pryčynaj spynieńnia pieramovaŭ z RF.

Ułady Ukrainy sapraŭdnaść dakumienta nie paćvierdzili.

Čytajcie taksama:

Piaskoŭ: Zadača demilitaryzacyi Ukrainy šmat u čym vykananaja, jana vajuje zachodniaj zbrojaj

Alaksiej Tałaj pryznaŭsia, što vyvaz ukrainskich dziaciej u Biełaruś uchvaliŭ asabista Łukašenka

Клас
2
Панылы сорам
11
Ха-ха
7
Ого
0
Сумна
1
Абуральна
17